نفسي ابطل السجاير واكون انسان جديد
بس ما اقدرش اوعد بموضوع الحديد ده عشان خلاص يناير عدي
طبعا الموضوع محتاج شوية اراده قويه
علي شوية اصرار وحبة عزيمه وتحدي
وطبعا الحكايه مش حكاية نيكوتين او قطران
وكلام من ده
الموضوع موضوع تعود
يعني مثلا الواحد بيتعود انه دايما في حاجه محشوره بين صوابعه
او بين شفايفه طول الوقت
ينفخخخخخخخخخخخخخ
لأ والولاعه
انا مقدرش اتخيل حياتي بدون ولاعة
وافرض حبيت اولع روما بحالها
اعمل ايه
اقول والنبي ناولوني الولاعه ما ولاعتي في جيبي واديها
طبعا غير برستيج العلبة الكيلوباترا جمب الموبايل والمفاتيح
تبقي عامله احلي شغل ف القعده
حتي لو اللي جواها سجاير كوكو او حتي فررررط
طبعا احساسك وانت خرمان ومعاكش سجاير
وييجي واحد يحييك بسيجاره .... احساس لا يمكن وصفه
اوعه
والا في رمضان بقي وانت قاعد مش طايق كلمه من حد
وبتخانق ف طوب الارض
اصلك خرماااااااااااااااااااان
نفسي ابطل السجاير واكون انسان جديد يا جدعان
بس المشكله مش في الاراده ولا الاصرار .. موجودين الحمد لله
المشكله انى
.....
......
................
ف الحلقه القادمة
