اجمد وحدة الساعة واحدة
والنهاردة هنتكلم عن مجموعة اسئلة
غاية في الاهمية وفعلا نقدر نقول عليها
اسالة مصيرية جدااااااااااااااااااا وفي حياة ناس كتيرة بتتعلق بأجابة الاسئلة دي
ومع مرور الزمن
لم تستطع البشرية الاجابة عنها
ويظل البحث جاريا
عمره مامشى ابدا
دايما بيجرى
ويظل العالم يعقد المؤتمرات والندوات
الدولية والعالمية لايجاد اجابة مرضية
يقتنع بها الشارع الدولي وشارع محي الدين ابو العز
فلو اتكلمنا عن الخيار
ليه لونه اخضر مثلا
طبعا ده سؤال حير الناس
لكن الاخطر من كده
ليه الخيار بيتحط في السلطة
محدش سال نفسه ليه
وليه في ناس بتقطعة حلقات
وفي ناس بتقطعة حتت صغيرة
وبالطبع عجز العقل البشري عن تفسير هذه الظاهرة
على مر العصور
طيب لو جينا اتكلمنا على الطماطم
ليه لونها احمر
هل ده نتيجة انها مكسوفة مثلا
ولا عشان محطتش صن بلوك قبل ماتخرج الصبح
ده بردوا سؤال هااااااااااااااام يطرح نفسة على الساحة وبقوة
نيجي بأه لأخطر سؤال
وانا اعتبره من اصعب الاسئلة اللي ممكن
يواجهها اي انسان على سطح كوكو الارض
ليه بنعمل الشاي بالنعناع
اشمعنى النعناع بالذات
ليه منعملش شاي بالملوخية مثلا
ماهي لونها اخضر زي النعناع وبورق كمان وبتتقطف
هل هذه صورة من صور التفرقة العنصرية
ام صورة للانتهاك حق الملوخية الدولي
كل هذه الاسئلة
نطرحها اليوم في برنامج
اجمد وحدة الساعة واحدة
يذاع اليوم
الساعة 27:52 بتوقيت الاسكندرية
الساعة 27:57 بتوقيت القاهره
كنتم مع فاصل تهييسي من سيكو ساعة الفجرية
