انا هارجع ليا

فترة من التغيير

الكل سألنى انته ليه بقيت كده

فين الابتسامة

فين حبك

فين حنانك

مشيت من غير اجابة

بجد مش عارف انا صح و لا غلط

لكن حاس بأنى مفتقد نفسى

طيب فى حاجة تستحق كده

و لا انته خلاص مستعد تتنازل عن حياتك

طيب و ليه تتنازل

مادام لسه عندك بكرة

طيب..و بكرة دا ايه

و انت وحيد

و فجأة قفلت النور جوايا

يعنى ايه لوحدك

اكيد كل اللى بتحبهم هما كمان بيحبوك

بس دا مش كفاية

عايز حد احس بيه و يحس بيا بدون كلام

برده مش كفاية

طيب كنت هتعمل ايه لو كل اللى

انتى بتحبهم مش معاك

اكيد هكون اعتزلت الحياة من زمان

يبقى انت لسه متمسك بيهم

شغلت النور تانى

المرة ديه و فى اصرار غريب

انى ارجع لانفسى

بروح جديدة

مع انى عارف شوية و اقول يارتنى ما رجعت

بس المرة ديه

ناوي ارجع لاصحابى اللى افتقدونى و افتقتدهم

للابتسامة القديمة

للقلب الصافى اللى كان بيحب الحياة

و بيحب الناس

اللى لسه شايف الحياة كانه قلب

لطفل صغير لسه مولود

 

 

انا عارف

انى قوي و ان شاء الله

انا هارجع عشان ابقى انا