عادى

من كام يوم كنت مكتئب جدا

بصراحة اكتر كنت

زعلان مع اخويا

كنت حاسس ان عنده مشاكل كتير

لكنه ساكت

كل ما اتكلم معاه يقولى

عادى

لدرجة انى حسيت ان مفيش حاجة بقت تفرق معاه

سبته و فضلت ساكت لكن حاسس بيه

بيغلى من جوه

ما هو مبقاش يحكى لاى حد

و بيحاول عالطول يعيش فى جو مرح

بس للاسف بيضحك على نفسه

و فى الاخر يقول

ما انته اللى مش بتحب تسمعنى

كان نفسى يعمل زى حضرتى

لما بحب اتكلم مع حد

مش بسكت غير لما افضفض

حتى لو هنا ف مدونتى

و لذلك قررت انى ابقى رخم اوى

و امشى معاه بنظام جديد

انا عارف انه هيتخنق

بس عشان يتعلم

ان لو فى مشكلة

لازم يتكلم و يقول

مش كله عادى

لازم يعرف ان اخواته لسه موجودين

و احنا مش اخوات فى الافراح بس

لا دا احنا موجودين فى كل وقت

و ربنا يعينى و يعين(ه)