لاول مره هكتب كده هنا علي طول من غير ما اجهز مسوده
لاني عايز الكلام يطلع من قلبي دوغري عالكيبورد اللي حروفها طايره دي
عايز اريح ضميري واعترف بالسر اللي شايله ف قلبي بقالي سنين
لان كله كام شهر وكام يوم واخلص اللي انا فيه واحتمال اختفي
زي ناس كتير اختفوا ومعدناش بنشوفهم
هما سابوا زكري طيبه وحبيناهم لكن انا مش عارف انا هسيب ايه
فعشان كده هعترف واقول الحقيقه واريح ضميري
الحقيقه ان انا
انا
انا كداااااااااااب
اه كدااااااب
بقالي سنه ونص بكدب عليكم
اوهمتكم اني اسمي سيكو
والحقيقه انا اسمي مش كده خالص
قلتلكم اني ممرض وانا مش كده
وكمان مش شغال ف كوالالمبور زي ما كلكم تعرفوا عني
انا عمري ما شفت كوالالمبور حتي ف التلفزيون
انا كدبت
وانتوا صدقتوا
حد هيقولي انت كدبت ليه؟
هقول كدبت عشان كان نفسي ابقي واحد منكم
كان نفسي ابقي زيكم
تفتكروا كنتوا هتتقبلوني ف وسطكم لو عرفتوا
اني معايا دبلون صنايع قسم جرارات الكترونيه
خفت ما تقبلونيش وسطكم وانتوا كلكم مهندسين
واساتذه ودكاترا واطباء ومحامين
فاخترعت الكدبه دي
اه
مهو النت ده عالم خيالي وبما انه خيالي
انا اتخيلت اني مهندس وعشت القصه دي
واتخيلت كل حاجه قلتها عني هنا
سامحوني
كمان انا عمري ما كتبت شعر
ولا عمري رسمت
وكل دي حاجات سارقها من عالنت
ومن اصحابي
استمتعت بمعرفتكم جدا
وسعدت طول الفتره اللي فاتت
سامحوني
مش هقدر اقول ياريت تفتكروني بكل خير
تصبحوا ع خير
ارجوكم علقوا بس من غير شتيمه
انا هتقبل اي نقد
بس بادب
بلاش شتيمه
امضاء
اللى مش من الاسكندرية
اللي مش سيكو
دبلون زراعه قسم دوده القطن
