بمناسبة الانقلاب العسكرى

راكب تاكسي النهارده و رايح أقابل واحد صاحبي و شايل في ايدي شوية حاجات من ضمنها رواية ثورة 2053. سواق التاكسي تقريبا لمح كلمة ثوره و رقم خمسه بس من على غلاف الروايه. فضل سواق التاكسي الغلبان اللي سايق تاكسي مهكع ماشي بالعافيه و شكله في الخمسينات من عمره تقريبا باصص في الطريق و ساكت مبيتكلمش لغاية قبل ما انزل بشويه دار الحوار ده

السواق: معلش يا ابني ممكن اسالك سؤال؟
أنا: اتفضل يا باشا
السواق: انت يعني بمناسبة الثوره النهارده بتقرى الكتاب ده عن الثوره؟
أنا: لا مش محتاج اقرى عن الانقلاب دي روايه
السواق: أيوه يا ابني هي مش ثوره
أنا: لا هي ممكن تقول انها ثورة، ثورة حراميه
السواق: أيوه هي كده، حراميه يا ابني، الحمد لله انك عارف و انت في شبابك كده، و الله ما كانت ثوره، و الله حراميه. ربنا يحميك لشبابك يا ابني. المهم تكونوا انتو عارفين.

فضل السواق يكرر الكلمتين دول لغاية ما نزلت و انا نازل طبطب علي و هو لسه بيقول "المهم تكونوا عارفين يا ابني".

معلش انا ساذج شويه و بفرح لما حد معرفوش بيدعي لي منغير سبب. دي الحاجه الوحيده الكويسه في ذكرى الانقلاب و ان الشوارع كانت فاضيه النهارده. كل انقلاب عسكري و انتوا طيبين.

ملحوظه: في تعريف قصير حلو عند مواطن مصري واخد على قفاه لواحد من الشرفاء القليلين اللي قاموا بالانقلاب اللواء محمد نجيب

عقبال ما الثوره الحقيقيه تقوم و تتحرر مصر.

عزة

الغرام في الدم سارح والهوى طارح معزه
والحنين للقرب بارح والنوى جارح ياعزه
ياابتسامة فجر هلت بددت ليلي الحزين
ياندى الصبح الللي سأسأ فوق خدودي الدبلانين
بل شوقهم صحى لون الورد فوقهم
كل خد وشم ورده مين يدوقهم غيرك انتي
ومين سواكي ياحياتي ياملاكي
يانسيم الحب لما هب هز القلب هزه
ياهوى الاحلام ياعزه
الليلادي جم خدوني ياملاكي
جوز تنابله ونص دسته من التيران
كنت باحلم ياحبيبتي كنت باحلم بيكي انتي
كنا قال انا وانتي قال ف جنينه خضرا
ومحاوطها البرتقان والسيسبان
وانتي جوا قرنفلايه بالعبير بتستحمي
اجري يمك ياهوايا تسبقيني وتجري يمي
أحضنك واشرب عبيرك من شفايفك
والغصون واقفه وشايفه بتراعينا بس خايفه م العيون
والعيون بتقول كلام والكلام طاير حمام
بينادينا بالاغاني ويهادينا بالسلام
كنت بحلم ياحبيبتي كنت باحلم بيكي انتي
ايوه انتي ومين سواكي ياحياتي ياملاكي
يانسيم الحب لما هب هز القلب هزه
ياهوى الاحلام ياعزه
وانطلق في الجو فجأه ياحبيبتي صوت مفاجأه
صوت يخلي الدم يجمد
اصحى يا احمد اصحى يااحمد
وانتهى الحلم الجميل وابتدا الهم التقيل
فين امام انتوا مين احنا ناس مكلفين
تيجي سالك مش ح تتعب واحنا طبعا معذورين
انتو دود الارض واللآفه المخيفه
انتو ذرة رمل في عيون الخليفه
انتو كرباج المظالم والمآسي
انتو عله ف جسم بلدي انتو جيفه
سكتوه ابن الكلاب سففوه من التراب
فتشوا كل الاماكن طلعوا رفوف الدولاب
كمموني يا حبيبتي كتفوني يا حبيبتي
قوموني..قعدوني
كل شعره في جسمي بالعين فتشوها
المخده من جنانهم شرحوها
وانتهى التفتيش مافيش
صدقيني ماتخافيش
هو فيه ياعزه عندي ممنوعات
غير باحب الناس وباكره السكات؟
بص واحد من التنابله جوا عيني
وانتي عارفه عنيه صافيه وطيبين
زي كل عيون بلدنا يا حبيبتي شباكين
ع القلب دوغري موصلين
كان مناه يلمح علامة خوف بسيطه
طب حييجي الخوف منين ابن العبيطه
هو مين فينا الجبان ولامين فينا الللي خان
اللي قلبه بالمحبه و بالاماني
وبالربيع لاخضر مزهر والاغاني
ولاكلب الصيد واسياده الاباطره
أكالين لحم البشر فوق الصواني؟
هو مين فينا الجبان ولامين فينا اللي خان
هو بص في عيني بصه ارتجف وف حلقه غصه
واتعوج ومال وقال جملتين مش مفهومين
أصله شاف صورتين جمال في العيون الطيبين
مصر في العين الشمال وانتي في العين اليمين

 

الشعر الممنوع

أخر إصدارات الشاعر المصرى أحمد فؤاد نجم شاعر العامية المصرية القصيدة بإسم "كأنك مفيش "

والقصيدة موجهة للرئيس مبارك



برغم إن صورك فـ كل الدواير


وكل المداخل وكل المحاور


ومليا الشوارع على كل حيط ..


مطنش علينا وعامل عبيط ..


كأنك مفيش ..


***


يا فرحة قلوبنا رئيسنا ظريف ..


فُكهي ..


إبن نكته ودمه خفيف


فـ عهدك سيادتك فَرَشنا الرصيف


وآخر مُنانا الغُموس والرغيف


وكل أمَّا تُخنُق ندوَّر ..


مفيش !!


***


مسيِّب علينا عصابة حبايبك


فضايح وسرقة ونهب بسبايبك


مابين حزب نجلك .. وهانم جلالتك


وجيش الغوازي إللَّي داير يجاملك


وناملك وقاملك .. وحارسك وأمنك


شبعنا مهانه .. شبعنا لطيش ..!


وأنت .. مفيش !!


***


باعونا فـ حضورك ..


ببركة عِبـيدك وغالي وسرورك


باعوا الأراضي .. وكل المصانع


وباعوا البنوك ..


وقدَّام عِنيك .. صوتنا إتـنبح ..


ننادي عليك ..


إلحق يا ريس : ده باعوا الحديد !!


وأنت منشِّف دماغك عنيد !!


.. كأنك مفيش !!


***


دوشتوا دماغنا ” بجمال ” طلعتك


ومن يومها وإحنا عَبـيد حضرتك


ما تزعلش إني مواطن أبيح


ورافض كلابك فـ شعبك تطيح


فسادهم يا ريِّس واضح .. صريح


قوم بينا صلّح وفتَّش .. وثور


ح نكتب تاريخك ياريِّس بنور


مش تبقى عايش كأنـَّك مفيش !!


***


ورحمة أبوك .. مادام أنت قاعد


عيب لمَّا عُصبة نَـوََر يسحبُوك


م تُقبض عليهم .. م تقطع إيديهم ..


م تعمل عليهم يا ريِّس شاويش


بدل م انت ساكت وقاعد مفيش


***


ياريس علىّ الطلاق تعبانين !!


ياريس علىّ الحرام كفرانين !!


صبرنا سنين ..


سيادتك مسلطن


وشعبك وناسك بتاكل مسرطن


وتشرب مجاري وميت سم هاري ..


ومش دريانين !!


ما تنهض يا ريس تلم الديابه ؟!!


ده شعبك غلابه ..


ومليان طيابه ..


وهوَّ الشفاعة ف يوم الحساب


وهما البطانة الحُثاله الكلاب


ما يملاش عنيهم غير التراب


وليهم ضوافر


وميت ألف ناب


وواقفين لشعبك ورا كل باب


لإمتى ح تسكت وليه الغياب ؟


ده ياما ممالك طواها التراب


حياتنا ياريس تعب فوق عذاب


يا ريس ” شريفك ” ماهوَّاش شريف !!


” نظيفك ” يا ريس ماهوَّاش نظيف !!


وحتى ” حبيبك ” ماهواش حبـيب !!


وأنا غصب عني .. خلاص إستويت ..


بـ غـُلبي إنحنيت ..


وطلعان عنيا .. وصعبان عليا


بحسبة بسيطة ومن غير خريطه ..


وكونك مفيش .. لقيت متساويش


ومش فارقه أعيش ..


نويت أشتكيك للِّي فوقي وفوقك


وأصلي الفرايض ..عسى يفـُك طُوقـك


قالولي إللي يسجد عدو النظام !!


حاولت أحكي حالي ..!!


قالولي الحكاوي نميمة وحرام !!


فكرت أكتب ..


لقيتكم سيادتك منعتوا الكلام !!


فقررت أحلم ..


هاحلم سيادتك وأفُك اللِّجام


ولو مش هيعجب سيادتك يا فندم


وصِّي العساكر .. تاخُدني أمَّا انام !!


***


حلمت إني شعب ..!


حلمت إني شعب ومصلوب بطولي


على أرض سمرا


ودمي بينـزف ومليان جروح


وفوق صدري جمرة


يميني مربّط على أرض طابا


شمالي ممسمر فـ “أولاد علي”


ورجلي على جزع نخلة فـ “حلايب”


ومرتاح براسي على حِجْر مصر


وشوفتك ياريس ..كأنك ولي ..


كأنك نبي ..


فـ إيدك عصاية وليك معجزات


وشايل صليبي وبتفـُكني ..


وانا فـ جنَّه خضره .. وتحتي جداول ..


ومن فوقي نور .. وريحة بخور ..


همست ف ودانك بآخر وصيّة :


إنسى إللي فاتك ..


هننسى الأسية .. !!


أمانه عليك ..


حُط الوطن جُوَّه نِنِّي عينيك


كرامة عيالنا أمانة ف إيديك


بحق إللي بينّا يا ريِّس وبـينك


وحَق اليَمِين و” ألكتاب ” فى يمينك


بحق الشهيد .. إللي رافع جبينك


وجيش إنتصارك فى يوم العبور


وجيل حُر طالع .. وعدته بدور


لملم عيالك .. وجمَّع فـ مالك

وإسحب ” جمالك ” وسيبنا وغور .

لغز اينشتاين

يقول ( العالم اينشتاين ) أن 98 % من سكان الكرة الأرضية لا يمكنهم حل هذا اللغز ؟

فهل أنت من الـــــــــــ 2 % المتبقين ( الأذكياء ) ؟

اللــــغـــــــــز هــــــو :

الوقائع :

‏- هناك خمسة بيوت بألوان مختلفة .

-‏ في كل بيت يسكن شخص جنسيته مختلفة عن الآخر .

-‏ ملاك البيوت الخمسة لكل منهم مشروبه المفضل ودخانه المفضل وحيوانه المفضل .

-‏ ولا شخص من الخمسة يشرب أو يدخن أو يمتلك حيوان نفس الآخر .

المعطيات :

-‏ البريطاني يسكن في بيت لونه أحمر .

-‏ السويدي يربي كلب .

-‏ الدانمركي يشرب شاي .

-‏ البيت الأخضر يقع على يسار البيت الأبيض .

-‏ مالك البيت الأخضر يشرب قهوة .

-‏ الشخص الذي يدخن ( مارليبورو ) يربي عصفور .

-‏ مالك البيت الأصفر يدخن ( دانهيل ) .

-‏ الشخص الذي يسكن في البيت الواقع في الوسط يشرب حليب .

-‏ النرويجي يسكن في البيت الأول .

-‏ الشخص الذي يدخن ( بلند ) يسكن بجانب الشخص الذي يربي قطة .

-‏ الشخص الذي يربي خيل يسكن بجانب الشخص الذي يدخن ( دانهيل ) .

-‏ الشخص الذي يدخن ( بلو ماستر ) يشرب نسكافيه .

-‏ الألماني يدخن ( روثمان ) .

-‏ النرويجي يسكن بجانب البيت الأزرق .

-‏ الشخص الذي يدخن ( بلند ) يسكن بجانب الشخص الذي يشرب ماء .

السؤال هو :-

من هو الشخص الذي يربي السمكة؟

انا نملة وانت رغوة الصابون

هذه القصيدة بعنوان "نملة" وهي قصيدة بالعامية المصرية.

والآن مع القصيدة:

أنا نملة واقعة في رغوة الصابون

قاعد أرَفَّس هل أكون أو لا أكون

مجنون

لا في تحتي أرض اسند عليها

و لا ف إيديا حاجة أمسك فيها

أصرخ الحقوني يا ناس ح أموت

،نَفَسي اتقطَع و لا حدَّ حاسس بيّا

،ملغي من الحساب

و كأن ربّي حطّني ع الأبجدية سكون

ما أنا نملة واقعة في رغوة الصابون

* * *

و الرغوة من حَوَالَياَّ كبرت

زي مارد لسه سايب قمقمه للتو

واقف يطقطق ضهره و يشمّ الهوا

رِجلُه أمامي و راسه فوق في الجَو

بيبُص لي كده باحتقار

و أنا في الكرامة مفيش هزار

أنا قلت أزعق فيه فتحصل معجزة

يمكن إلهي يسخطه مثلاً أو انه يختفي

،و ما هوش بعيد على ربنا

،تبقى تراجيديا تتقلب كرتون

ما حصلش طبعاً للأسف

و فضلت نملة ف رغوة الصابون

* * *

نفش الصابون أصبح ميدان تحرير

و من الرغاوي وقف مجمّع و البشر طوابير

إشارات مرور زحمة و زفّة ماشية بالزمامير

باليل تلاقي الإعلانات وَيّا المثقف

قايمة بالتنوير

و الحُكم للون الرمادي

المنتخب بالإختيار الحر للجماهير

جماهير

إذا ما شفتها لما تقوم الصبح

من نومها و تسعى لشغلها

دقَّق على الكفين و في الرجلين

تلاقي مطرح المسامير

يا ميدان سخيف

كما حصة التعبير

يا ساطور مخيف

فوق البشر مسنون

أمرك و أمري يهون

ما أنا في النهاية نملة و انت رغوة الصابون

* * *

هل هناك فرق بين فتحاوى و حماساوى؟

هل ترى أن هناك اختلاف موجود في هذه الصور بين الصور التي هي موجودة على اليمين والأخرى الموجودة على الجانب الأيسر؟

لعلك ترى اختلافا لا نراه نحن بأعيننا، ولعلك تبصر شيئا لا نراه نحن.

هل ترى أن هناك فرق بين قادة فتح وقادة حماس؟

 
 

ياسلام عليك يا منير

يا سلام عليك يا منير قدرت فعلا في الأغنية دي تشخص الحالة بتاعة الشعب المصري.. حدوتة مصرية

ما نرضاش يخاصم القمر السما

ما نرضاش

تدوس البشر بعضها

ما نرضاش

يموت جوه قلبي نداء

ما نرضاش

تهاجر الجذور أرضها

ما نرضاش

قلبي جوا يغني واجراس تدق لصرخة ميلاد

تموت حته مني الاجراس بتعلن نهاية بشر من العباد

دي الحكمة قتلتني و حيتني وخلتني أغوص في قلب السر

قلب الكون قبل الطوفان ما ييجي خلتني أخاف عليك يا مصر

واحكيلك على المكنون

مين العاقل فينا مين المجنون

مين الي مدبوح من الألم

مين اللي ظالم فينا مين مظلوم

مين اللي ما يعرفش غير كلمة نعم

مين اللي محنيلك خضار الفلاحين غلابة

مين اللي محنيلك عمار عمالك الطيابة

مين اللي ببيع الضمير مين يشتري مين يشتري بيه الدمار

مين هو صاحب المسألة والمشكلة والحكاية والقلم

رأيت كل شيء وتعبت على الحقيقة

قابلت في الطريق عيون كتيرة بريئة

أعرف بشر عرفوني لأ لأ ما عرفونيش

قبلوني وقبلتهم

بمد ايدي لأ طب ليه ما تقبلنيش

لا يهمني اسمك لا يهمني عنوانك

لا يهمني لونك ولا ولادك ومكانك

يهمني الانسان ولو ما لوش عنوان

يا ناس يا ناس هي دي الحدوته

حدوته مصرية

  

جمهورية مصر العشوائية

مصر هبة النيل كلمة قالها المؤرخ هيريدوت عندما أراد أن يصف مصر الحبيبة.

فأراضيها غنية بالعديد من الثروات الطبيعية التي لا تجدها في مكان آخر غير مصر.. حيث تتنوع فيها الأقاليم البيئية بين واحات وصحاري وجبال وسواحل متنوعة وإضافة إلى ذلك نهر النيل والوادي والدلتا، والعديد من الآثار السياحية المنتشرة في جميع أنحاء مصر، والعديد من الثروات الأخرى التي لا حصر لها، ولكنك إذا فكرت ونظرت إلى استغلال هذه الثروات ستجدها غير مستغلة تماما فمصر تستورد معظم حاجياتها من الخارج ولا عجب أنها تقوم باستيراد 60% من القمح و98% من العتس من خارج البلاد.

التحول من الزراعة إلى الصناعة

قالوا أنهم سيحولون مصر من بلد زراعي إلى بلد صناعي ولكن الظاهر أن الحكومة لم تكن مستعدة تماما ولم تقم بعمل أي خطة استراتيجية طويلة الأجل ولا خطة تكتيكية قصيرة الأجل اعتمدوا على العشوائية فلم نرى إلا بلدا عشوائية لم ترتقي لأن تكون من الدول الصناعية كما كان يردد الأبواق ولا بقيت على حالها كبلد زراعية وتكفي حاجاتها من المنتجات الغذائية، فعلى الرغم من وجود النيل الغير مستغل تماما والذي إذا استغل بطريقة صحيحة لوفرت مصر على نفسها عناء استيراد القمح والفول من أمريكا واستيراد الأسماك من الصين مثلا.

عندما تذهب لتشتري أي منتج ولست أبالغ عندما أقول أي منتج تجد عليه عبارة (صنع في الصين) والأدهى من ذلك أن الكثير من الدول العربية سبقتنا تكنولوجيا وصناعيا فمنذ فترة بسيطة كنت أتجول في شارع عبدالعزيز الذي يعتبر أكبر سوق للأجهزة الإلكترونية وجدت أجهزة كهربائية مكتوب عليها عبارة صنع في قطر، وأيضا أعلنت مصر من عدة أيام أنها تستعد لاستيراد سيارات تم صناعتها في المغرب.

التحول من الصناعة إلى التجارة

بعد التأكد من فشل فكرة التحول من دولة زراعية إلى دولة صناعية ظهرت أبواق جديدة تنادي بالتحول إلى التجارة الدولية.. وكيف لدولة لم تنجح صناعيا أن تنجح تجاريا فالتجارة تعتمد على شيء من اثنين إما الزراعة وإما الصناعة ودولتنا لم تفلح في أي منهما فأصبحنا بدلا من دولة تجارية أصبحنا دولة مستوردة تعتمد على الصناعات والزراعات الخارجية لسد حاجتها الداخلية.

العشوائية تحكم البلاد

لا تعجب.. فالعشوائية هي التي تحكم مصر منذ خلقها الله عز وجل فلم نجد أحدا يخطط لهذه البلد أو يقوم على الأقل بتنظيم العمل فيها أو حتى وضع مبادئ وأسس تسير بالبلد إلى بر الأمان بعد أن أصبح الفقر مخيما عليها وأصبح رغيف العيش شيء صعب المنال، وبعد اختفاء الطبقة الوسطى في مصر وأصبحت الدولة عبارة عن طبقة عليا حاكمة ومحتكرة وطبقة فقيرة تعاني قسوة الجوع ومرارة الحرمان.

ولا عجب أيضا أن تسير في طريق وتجد بعض العمال يقومون بالتنقيب لعمل شبكة مياه ثم بعد الانتهاء تقوم الدولة برصف الطريق وبعد الانتهاء من عملية الرصف تجد عمالة أخرى تقوم بالتنقيب في نفس المكان لإصلاح شبكة الكهرباء ثم تعود لرصف الطريق مرة أخرى وبعد أقل من شهر تجد عمالة أخرى تقوم بالتنقيب في نفس الطريق لعمل صيانة لشبكة التليفونات وإعادة الرصف مرة ثالثة.. وهكذا .. لا اسم ولا معنى لهذا الكلام سوى أنها عشوائية.

وإذا نظرت لأماكن تواجد المصالح والهيئات الحكومية تجدها موجودة في أكثر الأماكن ازدحاما فإذا ما أردت أن تذهب إلى مكان من هذه الأماكن تجد نفسك أمام زحام شديد جدا في الطريق حتى أنك لا تكاد تصل وإن وصلت إلى المكان الذي تريد فإنك سوف تذهب متأخرا جدا وتجد الموظف المحترم يرد عليك بالعبارة الشهيرة “فوت علينا بكره يا سيد”.. وهكذا..

انعدم الأمن وازداد الفقر وارتفعت معدلات البطالة وكثرت الحرائق وظهرت الإضرابات بشدة وازدهر التسول ولا تكاد تمضي في شارع إلا وترى فيه على الأقل رجلا أو سيدة تتوسل إليك بالدعاء باسطة يديها لتعطيها مما أعطاك الله، ولا تمر على أحد الميادين إلا وتجد عشرات الجالسين بحثا عمن يطلب منه أداء عمل معين مقابل مبلغ مالي بسيط يسد حاجته ليعود إلى أولاده ببعض النقود التي تسد جوع أولاده لا ليشتري اللحوم والخضار ولكن ليشتري ما يسد جوعه وجوع أولاده.

كان الله في عونك يا مصر وحفظك لنا فمهما حاولوا أن يثنونا عن حبك فلن يصلوا.. لأن حبك متغلغل في أعماق قلوبنا يصوننا ونصونه، تحملينا على أرضك ونحملك على أكتافنا، مهما طال الزمن فنحن منك وبك سوف نحيا.

الحمار والطفل الشهيد

دخل حمار مزرعة رجل

وبدأ يأكل من زرعه الذي تعب في حرثه وبذره وسقيه؟

كيف يُـخرج الحمار؟؟

سؤال محير ؟؟؟

أسرع الرجل إلى البيت

جاء بعدَّةِ الشغل

القضية لا تحتمل التأخير

أحضر عصا طويلة ومطرقة ومسامير وقطعة كبيرة من الكرتون المقوى

كتب على الكرتون

يا حمار أخرج من مزرعتي

ثبت الكرتون بالعصا الطويلة

بالمطرقة والمسمار

ذهب إلى حيث الحمار يرعى في المزرعة

رفع اللوحة عالياً

وقف رافعًا اللوحة منذ الصباح الباكر

حتى غروب الشمس

ولكن الحمار لم يخرج

حار الرجل

‘ربما لم يفهم الحمار ما كتبتُ على اللوحة’

رجع إلى البيت ونام

في الصباح التالي

صنع عددًا كبيرًا من اللوحات

ونادي أولاده وجيرانه

واستنفر أهل القرية

‘يعنى عمل مؤتمر قمة’

صف الناس في طوابير

يحملون لوحات كثيرة

أخرج يا حمار من المزرعة

الموت للحمير

يا ويلك يا حمار من راعي الدار وتحلقوا حول الحقل الذي فيه الحمار

وبدءوا يهتفون

اخرج يا حمار. اخرج أحسن لك

والحمار حمار

يأكل ولا يهتم بما يحدث حوله

غربت شمس اليوم الثاني

وقد تعب الناس من الصراخ والهتاف وبحت أصواتهم

فلما رأوا الحمار غير مبالٍ بهم رجعوا إلى بيوتهم

يفكرون في طريقة أخرى

في صباح اليوم الثالث

جلس الرجل في بيته يصنع شيئاً آخر

خطة جديدة لإخراج الحمار

فالزرع أوشك على النهاية

خرج الرجل باختراعه الجديد

نموذج مجسم لحمار

يشبه إلى حد بعيد الحمار الأصلي

ولما جاء إلى حيث الحمار يأكل في المزرعة

وأمام نظر الحمار

وحشود القرية المنادية بخروج الحمار

سكب البنزين على النموذج

وأحرقه

فكبّر الحشد

نظر الحمار إلى حيث النار

ثم رجع يأكل في المزرعة بلا مبالاة

يا له من حمار عنيد

لا يفهم

أرسلوا وفدًا ليتفاوض مع الحمار

قالوا له: صاحب المزرعة يريدك أن تخرج

وهو صاحب الحق

وعليك أن تخرج

الحمار ينظر إليهم

ثم يعود للأكل

لا يكترث بهم

بعد عدة محاولات

أرسل الرجل وسيطاً آخر

قال للحمار

صاحب المزرعة مستعد

للتنازل لك عن بعض من مساحته

الحمار يأكل ولا يرد

ثلثه

الحمار لا يرد

نصفه

الحمار لا يرد

طيب

حدد المساحة التي تريدها ولكن لا تتجاوزه

رفع الحمار رأسه

وقد شبع من الأكل

ومشى قليلاً إلى طرف الحقل

وهو ينظر إلى الجمع ويفكر

فرح الناس

لقد وافق الحمار أخيراً

أحضر صاحب المزرعة الأخشاب

وسيَّج المزرعة وقسمها نصفين

وترك للحمار النصف الذي هو واقف فيه

في صباح اليوم التالي

كانت المفاجأة لصاحب المزرعة

لقد ترك الحمار نصيبه

ودخل في نصيب صاحب المزرعة

وأخذ يأكل

رجع أخونا مرة أخرى إلى اللوحات

والمظاهرات

يبدو أنه لا فائدة

هذا الحمار لا يفهم

إنه ليس من حمير المنطقة

لقد جاء من قرية أخرى

بدأ الرجل يفكر في ترك المزرعة بكاملها للحمار

والذهاب إلى قرية أخرى لتأسيس مزرعة أخرى

وأمام دهشة جميع الحاضرين وفي مشهد من الحشد العظيم

حيث لم يبقَ أحد من القرية إلا وقد حضر

ليشارك في المحاولات اليائسة

لإخراج الحمار المحتل العنيد المتكبر المتسلط المؤذي

جاء غلام صغير

خرج من بين الصفوف

دخل إلى الحقل

تقدم إلى الحمار

وضرب الحمار بعصا صغيرة على قفاه

فإذا به يركض خارج الحقل ..

‘يا الله’ صاح الجميع ….

لقد فضحَنا هذا الصغير

وسيجعل منا أضحوكة القرى التي حولنا

فما كان منهم إلا أن قـَـتلوا الغلام وأعادوا الحمار إلى المزرعة

ثم أذاعوا أن الطفل شهيد !!>>>>>>>>>>>>>>>

رسالة الى الوالى

في نص الليل لقيت تليفون
بيطلبني وبيقول لي
أنا ف ورطه يا عم وحيد
وقبل ما اسيبه كالعاده
يعيد ويزيد
...لقيت نفسي
باقول له: خير يا عم أمين
فقال: الخير حييجي منين
دريت باللي حصل ليا
كانت شوره ماهيش هيه
صحيت الصبح من نومي
ونايم كنت بهدومي
علي الدنيا اللي مقلوبه
عشان كام كلمة مكتوبه
وقدام ,بيتنا حتة دين عربيه
وناس ياما ومن آخر البلد جايه
ومجموعة أفنديه.. بًدَل قيمه
وكله نضارات سوده
فقلت: يجوز تكون موضه
قالولي: كلم الريس
أوام يالله
ماتفضلشي كده متيس
سألت: يا خلق ريس مين?!
في غمضة عين
لقيت واحد كتم بوذي
وناس تسأل وصابحه تقول:
جايين ياخدوا أبو جوزي
وقلت: يا باشا رسيني بلاش توهان
فقال: اسكت وإياك تنطق بحرف كمان
فقلت: يا باشا هوه سؤال
فقال لي: بطل استهبال
مش انت كتبت في الجورنال
قصيدة بشكل مش بطال
وفي الآخر طلبت تقابل الريس
فقلت لهم: يا ناس دا كلام
وتحقيقه ولا الأحلام
قالولي: حلمك اتحقق
ويالله احلق أوام دقنك
ماتشبهناش
قمر أمريكا بيصور
ومين يقدر يقول له بلاش
وشكلك يدي للإرهاب
فمتخليش حياتنا هباب
***
جابولي بدلة علي قدي وببيونه
وإوعي تقول لي عرفوا ازاي
دا عارفين كل شيء عنّا
لمين رحنا ومين جالنا
وفين كلنا وخدنا الشاي
خلاصة القول
مشينا لما رحنا القصر
وما تحسش بإن انت
ساعتها في مصر
دخلت منين.. طلعت منين
نزلت منين
ومين سلمني يابا لمين
كلام شرحه يا عم يطول
وإلا أوضة التفتيش
نظام دقي وزيه مفيش
معدات إيه.. أشعات إيه
ومروا بيها م الببيونه لمداسي
بقيت خايف
يخشوا يفتشوا راسي
وع الشاشة
ألاقي صوره بالألوان لإحساسي
***
وبعد الفحص والتدقيق
لقيت نفسي كده قاعد
مع واحد
لوا يمشي ويمشي فريق
وبعد شويه كلمني
باقول لك إيه يا عم أمين
تكونش انت والأضيشك
مفكر إننا نايمين وباللي بيجري في ندواتكمو
مش داريين
ح اقولها لك بدون تزييف
ولا تحريف
جميع حركاتكو مرصوده
شتا أو صيف
وعارفين كل أصحابك
وحيد.. ناصر..
محمد جوده.. عم شفيق
والله يرحم الدكتور
محمد اللي كان ليكم
حبيب وصديق
وياما قلتو في طنيخ
وفي طنطا وميت عساس
وكفر الشيخ
وكان كل الكلام تلبيخ
وعندي كل قصايدكم
وعندي الصوره والتعليق
ومهما بيجي في تقرير مراصدكم
بنتصرف بشكل يليق
بخبره وشغلنا مدروس
كفاية الشعب متدهول
دا همه يلقي عيش وغموس
وداهمه يكفي دروس
فقولوا كل ما بدالكم
وسامعينكم وشايفنكم وسايبنكم
لغاية م البعيد منكم
يموت مفروس
وعارفين مين مشجعكم
وخليه يابا ينفعكم
ياعم أمين وعهد الله
دا لو قلتوا الكلام دا زمان
ما كان يعرف طريق جره
لكم ولا حتي الدبان
يا عم أمين
مفيش واحد حيصبح منكم مسجون
مفيش شهره
وخلي شغلكم مركون
في عربيتك يا في الكراتين
يا عم أمين
خلاصة القول ومقصودي
مفيش من تاني أبنودي
ما صدقنا اننا طفيناه
وكان سايب ولملمناه
ودينك شفته يوم لامنا?
دا لو يكتب فعن يامنه
مفيش مانع كمان يبدع
ويكتب إعلانات سمنه
وعندك نجم شوف حاله
يعيد ويزيد في كل كلام
زمان قاله
وعمر ما قال ومش هيقول
خلاص في العصر ده حاجه
مفيش حاجه
بقي كله ولا حاجه
ظبطنا كل صوت مسموع
ومش هنكرر الموضوع
وكل اللي ادعي البطولات
بقي يكتب
يا إما غناوي أو تترات
وعاوز يشتم الحكام
فممكن يشتم السادات
سألته
بعد ما قال الكلام كله:
طب الريس عايزني في إيه?
فقال لي: خلاص هتدخل له
وصدقني
مانيش عارف باعتلك ليه
***
دخلت عليه وكان مهموم
ولسه باقول له يا ريس
فقال: معلوم
يا عم أمين أنا قررت
تبقي انت رئيس وزراء
وعندك فرصه بعد يومين
هتيجي تعرض الأسماء
ماخدتش فرصه أتكلم
وواحد قال لي: قوم سلم
وبدأت تضرب الفلاشات
ساعة إيدي ماكات في إيديه
وودوني لواحد بيه
يفهمني راح اعمل إيه
وكلمني بلون تاني
لقيت السكة واخداني
وسلمني ورق مكتوب
وقال لي: كل شيء محسوب
وفيه أسماء هتبقي معاك
من الوزرا القدام بقرار
بكيفك وللا مش برضاك
دا شيء لازم للاستقرار
وفيه وزرا جداد جايين
وما تقولش بقرار من مين
وشوف انت من أصحابك
من أحبابك كمان وزيرين
فرأيك إيه?
فقلت: قصيدة مش وحشه
وفاضل منها سطرين
أقولهم لك:
من الفزعة صحيت من النوم
لقيت نفسك
علي حرف السرير عريان
وابنك جابلك القفطان
وبيقولك ما قلنالك
تنام بهدوم
يا عيب الشوم.. يا عيب الشوم
فقال: صدقني لو بحلم
هكملها كده فعلاً
لكن دا بجد مش بهزار
وأنا زي اللي مخي طار
فقلت: اسمع يا عم أمين
كلامك مش كلام عاقلين
وقدر إننا مجانين
وهنصدق فدا يابا
لا هو دوري ولا دورك
وانت الشاعر الحساس
كفاية انك تقيد نورك
توري السكة للتايهين
يا عم أمين
نصيحتي تعتذر ليهم
وعبر عنّا بالمرّه
مادام اللعب ع المكشوف
منانا نكسر الجره
ورا التزوير ورا التزييف
والانتخابات تكون حره
عشان بيجي بجد نظيف
حياتنا أصبحت مره
وفي الإصلاح غرضنا شريف
بدال ما يجيلكو من بره
بدال ما يجيلكو من بره

الرجل الذى عايز يمسك

"أنا عايز أمسك مكانك يابا"


نطق بها الابن الاصغر فى حذر فكان كمن ألقى قنبلة فى قلب الغرفة الصغيرة التى تضم أخوه الكبير وأمه وابوه الذى جلس على الطبلية يتناول الغداء


تناول الرجل الكبير اخر لقمة ثم تكرع فى هدوء ، وأشار بيديه فجاءت زوجته وشالت الطبلية ونظر فى عمق إلى وجه إبنه الأصغر الذى أسرع مستكملاً حديثه:
يابا الناس كلها بتسأل اخرتها ايه؟
حضرتك زى ما انت شايف - ربنا يديك طولة العمر - كبرت
وحالتك ما تسمحش انك تتابع الامور
وكل شوية تظهر فى الامور .. امور
وبدأ يظهر لك منافسين بعد ما كنت الوحيد الأوحد
اخرتها ايه يابا
انا عايز امسك بقى
وانا اتجوزت وبقيت جاهز انى امسك مكانك


أمسك الأب جلابيته وقام فجاءة فبانت قامته الفارعة ، مسح شاربه المبتل وجلس بجوار ابنه الأكبر متوجهاً إليه بالكلام وكأن الإبن الاصغير كان ظلاً .. وقال للإبن الكبير:ايه اخبار مشروعك الجديد يابنى؟


اشرق وجه الابن الكبير وابتهج قائلاً:
تمام يابا .. ماشى تمام .. ومالوش منافس .. وقريب هخاويه بمشروع تانى مع واحد من رجالتك


صرخ الابن الاصغر فى حرقة:
انا بكلمك يابا .. انا عايز امسك يابا .. انت ليه بتعمل فينا كدة .. وليه بتعمل فى نفسك كدة


رشف الرجل الكبير رشفة من كوباية الشاى ونظر من تحت لتحت إلى ابنه "المستعجل على المسك بتلابيب الأمور" وقال فى هدوء قاتل:
امممم .. بقى انت عايز تمسك؟


قال الابن وقد لاحت على قسماته ملامح الامل : أيوة يابا .. عايز امسك ..والناس كلها فى البلد بتتكلم فى الموضوع ده وبتقول لى انت لازم تمسك


القى الاب بوعده وسط ذهول الام والابن الأكبر قائلاً :
خلاص يا حبيبى .. هتمسك مع دخلة الشتا


انفجر الابن الاصغر فى سعادة معانقاً ابيه، واخوه وأمه ، وزوجته التى ما إن سمعت بالجملة الأخيرة حتى ظهرت فجاءة فى وسط العائلة ، وظل يطلق الوعود فى قلب العائلة الدافئة


مرت أيام وظل الابن مبتهجاً متأنقاً يحدث الجميع بواقعة الوعد الشهيرة ويلتقى مع ابناء الحتة واعداً اياهم بالكثير حينما يمسك مكان ابوه ، ومبدياً اسفه عن الكثير مما حدث ايام ابوه..


ويمر الصيف ويأتى الشتاء سريعاً
ويفاجئ الجميع أن الرجل الكبير قد قام بعمل تجديدات فى دكان البقالة فاشترى اصنافاً جديدة من الزيتون والجبن الاسطنبولى وادخل أنوعاً مستوردة من اللانشون الى القرية.. واستقدم عدة صبيان للعمل فى المحل ، وظهر فى جلابيته الفخمة الجديدة متفرداً فى مشهد مهيب قضى على آخر أحلام الإبن الأصغر فى أن يمسك.

الجحش قال للحمار

من اشعار احمد فؤاد نجم :             .................الجحش قال للحمار *** يابا اديني الحنطور

يابا إنت سنّك كبر *** و وَجَب عليّا الدور

كَـحّ الحمار كَـحة *** فزعِت لها الركاب

...

مش يابني بالصحة *** ده كل شئ بحساب

و سواقة الحنطور *** محتاجة حدّ حكيم

و إنت عينيك فارغة *** همّك على البرسيم

قوللي تسوق إزاي *** و التبن مالي عينيك

ده حتى حبل اللجام *** واسع يا إبني عليك

إعقل و بطّل طمع *** لا تسخّن الركاب

ماتجيش يا واد جنبهم *** لا تبقى ليلة هباب

دول صنف ناس جبّار *** قادر مالوهش أمان

يبان عليهم وَهَن *** لكنهم فرسان

يابا دا نومهم تِقِل *** و بقالُه يابا سنين

كل البشر صحصحوا *** و لسه دول نايمين

يا جحش بطّل هبل *** و بلاش تعيش مغرور

رُكابنا مش أغبيا *** ولا عضمهم مكسور

بُكرة حيصحولك *** و يزلزلوا الحنطور

و تلاقي في قفاك *** تمانين خازوق محشور..................................ههههههههههههههههههههه.....................ياترى بيتكلم عن مين؟???????????????

 

بطوطوليكس ونظرية التموية

البوست دا بوست سرى جدا وممكن يكون خطر على امن مصر .. انا هكشف فيه عن وثائق مهمه جدا اخر حاجه .. انا هكشفهاا بس عشان حق القارئ فى المعرفه.
السر الخطير اللى عندى وثائق تثبته - رغم انه مش محتاج وثائق - ان مصر هتدخل فى حرب مع دوله كبيره جدا جدا جدا .. دوله جامده التنين .. وعشان كده مصر بتستعد جدا وبكل قوتها - فى السر طبعا - عشان تحارب الدوله دى.
حد يقولى يا عم انت بتهرج اكيد .. اقوله يبقى كده المخابرات المصريه انتصرت طالما انت مش مصدقنى
بص انت ركز معايا للاخر وانا هثبتلك ان كلامى صح.
فاكر انت فى حرب 73 لما كان جنودنا على القنال بالجلاليب , والسادات ادى لبعض الجنود اجازه لرحلات حج او عمره , وفى كل خطابات السادات اننا هنتجه للتنميه الداخليه ومش هنحارب .. فاكر انت كل التمويه دا؟ .. كانت فكره المخابرات المصريه انها تحسس اسرائيل اننا مش هنحارب .. وهوب عبرنا القناه
اهو دا بالظبط اللى مصر بتحاول تعمله دلوقتى .. طبعا انا معرفش اسم الدوله دى بس عشان التمويه جامد جدا المره دى فانا متأكد انها دوله جامده التنين.
انتوا فاكرين يعنى حوادث غرق العبارات , وموت السياح ,والقروش اللى فى شرم , والانفجارات الطائفيه , وكبت المعارضه , وتزوير الانتخابات , والوكسات الاقتصاديه , والوكسات فى التعليم , والصحه  دى بجد وحق حقيقى؟
احب اقولكم لا بالعكس .. ابسوليتلى .. احنا دوله جامده جدا جدا .. لكن بنعمل كل دا تمويه.. دا مجرد تمويه يا اخونا .. ما انتوا فاهمين المصرى معروف بجبروته.
يعنى لما يطلع وزير الماليه على التلفزيون المصرى واسمعه صدفه بيقول اننا فاضلنا تلاتين قرش بس ونبقى اعظم دوله فى العالم اقتصاديا .. الراجل دا مش بيكدب يا اخونا .. دا بيقول الحقيقه .. بس عشان مخابرتنا اقوى مخلينا مش حاسين بدا .. عشان التمويه ينجح.
عشان كده الراجل دا لما كان بيتكلم على دعم الدوله للصحه وان العلاج فى المستشفيات الحكوميه هيفضل ببلاش .. وبعدها بيومين بالعدد والله الاقى الاسعار فى المستشفى اللى بشتغل فيها - الحكوميه - سعر العلاج الاقتصادى فيها يزيد للضعف والله مره واحده .. يبقى العيب مش فى الراجل ابدا ..دا كله تمويه يا اخونا
يعنى لما يطلع مسئول ويبان عبيط واهبل وهو بيقول الانفجار حصل بين جامع وكنيسه يعنى الهدف منه مش النصارى الهدف منه مصر كلها .. ويسيبه من الاسباب ومن علاج المشكله لو كان فى مشكله ويفضل يغنى تحيا مصر .. وينسى خالص ان الانفجار كان وقت القداس وان مفيش مسلم بيروح يصلى فى الجامع الساعه 12 بليل .. يبقى المسئول دا قاصد يظهر عبيط واهبل ..عشان الدوله الجامده اللى هنحاربها تحس ان المسئولين عندنا عبط وهبل فميخافوش منهم ... تمويه يعنى مش اكتر.
لما يبقى وظيفه وزير الصحه انه يعد الموتى والقتلى بس .. يعنى ايام انفلزنزا الخنازير كل اللى كان بيعمله يطلع يقولك مات كام واحد النهارده .. يبقى مقصود والغرض منه التمويه مش اكتر .. واساسا اساسا محدش بيموت ولا حاجه الناس دى بتمثل عشان العدو يبلع الطعم .. تمويه مش اكتر.
ولما يبقى وزير الداخليه لسه وزير بعد التزوير فى الانتخابات , وبعد الاحداث الطائفيه الاخيره , وبعد التعذيب فى السجون .. يبقى الناس اللى بيقولوا بتتعذب مش بتتعذب ولا حاجه دول بيمثلوا عشان التمويه مش اكتر.. ودا ينطبق برضه على الانفجارات.
ولما بيموتوا من التعذيب مش بيكونوا ماتوا ولا حاجه .. دى الحكومه بتسكنهم فى قصر جامد جدا فى حته سريه .. بتأكلهم ما لذ وطاب وهم راضيين وموافقين عشان التمويه ينجح
مصيبه سوده لتكونوا فاكرين  ان الريس بتاعنا عجز فعلا وبقى شكله كبير جدا .. يا اخونا هو عامل شكله كده بس عشان التمويه .. والله انتوا ظالمين وربنا هيعمل فيكم كتير ..اخص عليكم بجد.
يعنى بذمتكم فى دوله فى العالم بيدخل فيها وزراء مجلس الشعب؟ .. وتبقى مش عارف وظيفه مجلس الشعب انه يراقب الوزير دا .. ووظيفه الوزير فى المجلس انه يراقب الباقى ولا مين بيضرب مين؟ .. لكن لما تفهم ان دا كله تمويه هتستريح والله
يا اخونا مصر لسه بخير .. بس كل اللى بيحصل تمويه مش اكتر .. صدقونى  .. والمسئولين اللى بيبانوا عبط وهبل دول للتمويه مش اكتر .. والمسئولين اللى بيطلعوا يقولوا اننا احسن دوله فى العالم دول بيقولوا الحقيقه بس المخابرات لسه مقالتش ليهم اننا داخلين حرب مع دوله جامده الاخطبوط فلازم يموهوا
طب اقعدوا فكروا كده بينكم وبين نفسكم هتلاقوا الاستهبال اللى حاصل فى البلد دا اكيد يعنى معمول قصد وله حكمه .. ومفيش حكمه اكبر من انه تمويه واننا داخلين حرب جامده جدا ومحتاجين التمويه دا .
انا قلت انوركم على الحقيقه دى .. وطبعا مجبتش كل الحاجات اللى ممكن تتفهم فى ضوء نظريه التمويه دى لكن البركه فى ذكائكم بقى .. عشان الناس اللى بدأت تفقد الامل .. ترجع تانى تثق فى اننا دوله جامده جدا اخر حاجه .. وكل اللى بيشوفوه دا تمويه مش اكتر .. مش بقولكم داخلين حرب جامده جدا .................................

البوست دا بوست سرى جدا وممكن يكون خطر على امن مصر .. انا هكشف فيه عن وثائق مهمه جدا اخر حاجه .. انا هكشفهاا بس عشان حق القارئ فى المعرفه.
السر الخطير اللى عندى وثائق تثبته - رغم انه مش محتاج وثائق - ان مصر هتدخل فى حرب مع دوله كبيره جدا جدا جدا .. دوله جامده التنين .. وعشان كده مصر بتستعد جدا وبكل قوتها - فى السر طبعا - عشان تحارب الدوله دى.
حد يقولى يا عم انت بتهرج اكيد .. اقوله يبقى كده المخابرات المصريه انتصرت طالما انت مش مصدقنى
بص انت ركز معايا للاخر وانا هثبتلك ان كلامى صح.
فاكر انت فى حرب 73 لما كان جنودنا على القنال بالجلاليب , والسادات ادى لبعض الجنود اجازه لرحلات حج او عمره , وفى كل خطابات السادات اننا هنتجه للتنميه الداخليه ومش هنحارب .. فاكر انت كل التمويه دا؟ .. كانت فكره المخابرات المصريه انها تحسس اسرائيل اننا مش هنحارب .. وهوب عبرنا القناه
اهو دا بالظبط اللى مصر بتحاول تعمله دلوقتى .. طبعا انا معرفش اسم الدوله دى بس عشان التمويه جامد جدا المره دى فانا متأكد انها دوله جامده التنين.
انتوا فاكرين يعنى حوادث غرق العبارات , وموت السياح ,والقروش اللى فى شرم , والانفجارات الطائفيه , وكبت المعارضه , وتزوير الانتخابات , والوكسات الاقتصاديه , والوكسات فى التعليم , والصحه  دى بجد وحق حقيقى؟
احب اقولكم لا بالعكس .. ابسوليتلى .. احنا دوله جامده جدا جدا .. لكن بنعمل كل دا تمويه.. دا مجرد تمويه يا اخونا .. ما انتوا فاهمين المصرى معروف بجبروته.
يعنى لما يطلع وزير الماليه على التلفزيون المصرى واسمعه صدفه بيقول اننا فاضلنا تلاتين قرش بس ونبقى اعظم دوله فى العالم اقتصاديا .. الراجل دا مش بيكدب يا اخونا .. دا بيقول الحقيقه .. بس عشان مخابرتنا اقوى مخلينا مش حاسين بدا .. عشان التمويه ينجح.
عشان كده الراجل دا لما كان بيتكلم على دعم الدوله للصحه وان العلاج فى المستشفيات الحكوميه هيفضل ببلاش .. وبعدها بيومين بالعدد والله الاقى الاسعار فى المستشفى اللى بشتغل فيها - الحكوميه - سعر العلاج الاقتصادى فيها يزيد للضعف والله مره واحده .. يبقى العيب مش فى الراجل ابدا ..دا كله تمويه يا اخونا
يعنى لما يطلع مسئول ويبان عبيط واهبل وهو بيقول الانفجار حصل بين جامع وكنيسه يعنى الهدف منه مش النصارى الهدف منه مصر كلها .. ويسيبه من الاسباب ومن علاج المشكله لو كان فى مشكله ويفضل يغنى تحيا مصر .. وينسى خالص ان الانفجار كان وقت القداس وان مفيش مسلم بيروح يصلى فى الجامع الساعه 12 بليل .. يبقى المسئول دا قاصد يظهر عبيط واهبل ..عشان الدوله الجامده اللى هنحاربها تحس ان المسئولين عندنا عبط وهبل فميخافوش منهم ... تمويه يعنى مش اكتر.
لما يبقى وظيفه وزير الصحه انه يعد الموتى والقتلى بس .. يعنى ايام انفلزنزا الخنازير كل اللى كان بيعمله يطلع يقولك مات كام واحد النهارده .. يبقى مقصود والغرض منه التمويه مش اكتر .. واساسا اساسا محدش بيموت ولا حاجه الناس دى بتمثل عشان العدو يبلع الطعم .. تمويه مش اكتر.
ولما يبقى وزير الداخليه لسه وزير بعد التزوير فى الانتخابات , وبعد الاحداث الطائفيه الاخيره , وبعد التعذيب فى السجون .. يبقى الناس اللى بيقولوا بتتعذب مش بتتعذب ولا حاجه دول بيمثلوا عشان التمويه مش اكتر.. ودا ينطبق برضه على الانفجارات.
ولما بيموتوا من التعذيب مش بيكونوا ماتوا ولا حاجه .. دى الحكومه بتسكنهم فى قصر جامد جدا فى حته سريه .. بتأكلهم ما لذ وطاب وهم راضيين وموافقين عشان التمويه ينجح
مصيبه سوده لتكونوا فاكرين  ان الريس بتاعنا عجز فعلا وبقى شكله كبير جدا .. يا اخونا هو عامل شكله كده بس عشان التمويه .. والله انتوا ظالمين وربنا هيعمل فيكم كتير ..اخص عليكم بجد.
يعنى بذمتكم فى دوله فى العالم بيدخل فيها وزراء مجلس الشعب؟ .. وتبقى مش عارف وظيفه مجلس الشعب انه يراقب الوزير دا .. ووظيفه الوزير فى المجلس انه يراقب الباقى ولا مين بيضرب مين؟ .. لكن لما تفهم ان دا كله تمويه هتستريح والله
يا اخونا مصر لسه بخير .. بس كل اللى بيحصل تمويه مش اكتر .. صدقونى  .. والمسئولين اللى بيبانوا عبط وهبل دول للتمويه مش اكتر .. والمسئولين اللى بيطلعوا يقولوا اننا احسن دوله فى العالم دول بيقولوا الحقيقه بس المخابرات لسه مقالتش ليهم اننا داخلين حرب مع دوله جامده الاخطبوط فلازم يموهوا
طب اقعدوا فكروا كده بينكم وبين نفسكم هتلاقوا الاستهبال اللى حاصل فى البلد دا اكيد يعنى معمول قصد وله حكمه .. ومفيش حكمه اكبر من انه تمويه واننا داخلين حرب جامده جدا ومحتاجين التمويه دا .
انا قلت انوركم على الحقيقه دى .. وطبعا مجبتش كل الحاجات اللى ممكن تتفهم فى ضوء نظريه التمويه دى لكن البركه فى ذكائكم بقى .. عشان الناس اللى بدأت تفقد الامل .. ترجع تانى تثق فى اننا دوله جامده جدا اخر حاجه .. وكل اللى بيشوفوه دا تمويه مش اكتر .. مش بقولكم داخلين حرب جامده جدا :)

قلبظ ........الجبان.......التعبان

اشتغالة النهاردة حكاية .... مسخرة .... وطبعاً يمكن تكون الاشتغالة حقيقة ... وممكن تكون من الهوا ... وممكن تكون فيها حقيقة ... والباقى من الهوا

اللى فى الاشتغالة دى

1- قلبظ

2- بونا

3-عم الشيخ

قلبظ وعم الشيخ صحاب من زمان قوى ... وكان فى المدرسة مع بعض ... ومش كدا وبس دول كانوا فى الدكة لازقيين فى بعض ... بس كان قلبظ .... جبان قوى ... مع انه من الحجم العائلى .... وكان غنى قوى ... بس بيدارى على شمعته.... بس كان عم الشيخ بيحبه قوى وكان شايف ان قلبظ غلبان زى عم الشيخ ... بس للاسف ... كان قلبظ دا سوسة .. ومية من تحت تبن...و دا طبعا من زمان

كان قلبظ يتصل بعم الشيخ فى وقت متاخر ... ويقوله :

قلبظ : ازيك يا عم الشيخ عامل ايه

عم الشيخ : ازيك يا قلبظ عامل ايه ...خير يا قلبظ فى حاجة حصلت ..

قلبظ : لا مفيش حاجة حصلت ... انا بس اتصلت عشان اسمعك الاغنية دى

ويروح قلبظ حاطط الاغنية ع الراديو وطبعا عم الشيخ مش بيكون لوحده دا عشان كان التلفون صحى الناس كلها وطبعا عم الشيخ مش عارف يعمل ايه وفجاة....

قلبظ : عم الشيخ ايه رايك فى الاغنية حلوة صح

عم الشيخ : انت رايق قوى يعنى بتتصل الساعة 3 الفجر عشان تسمعنى اغنية

قلبظ : وفيها ايه يا عم

عم الشيخ : فيها انك صحيت البيت والجيران والمنطقة

قلبظ : قول كدا يا جبان .. انت خايف منهم بقى

" انت يا زفت الطين يا قلبظ .... بتعمل ايه ..؟؟"

عم الشيخ : ايه الصوت دا يا قلبظ جاى منين

قلبظ : تيت تيت تيت تيت ......

عم الشيخ : يا بن الجبانة يا عجل

وطبعا كان قلبظ فى حد قفشة وهو بيكلم فى التلفون... فراح قفل السكة فى وش عم الشيخ

ومرت الايام ... وفجاة قرر قلبظ انه يوصل نت ليه ... ولوحده " بن المفترية " وسرعة كام " 512" " يا بن الغنية " ... بس فالح مع عم الشيخ تتدعى الفقر .

ومرة كان عم الشيخ قاعد ع النت .. ولاقى قلبظ جه ع النت

قلبظ : انت بتعمل ايه يا عم الشيخ

عم الشيخ: يعنى الناس لما تتيجى تكلم حد تقوله هاى ... سلاموا عليكوا .. اى حاجة من الحاجات دى ... مش انت بتعمل ايه ؟ وانت مالك يا عم الفحل

قلبظ : فحل .. لالا انت لسانك طويل وعاوز يتقطع ..

عم الشيخ : دا انت اللى عجل وعاوز يدبح .. ويتقطع ... ونخلى الكلاب تاكل منك

قلبظ : ههههههههههههه الله يسامحك يا عم الشيخ .. بقى كدا

عم الشيخ : مش انت اللى بضايقنى

قلبظ : خلاص يا عم حقك عليا ... بقولك ايه شوفلى موقع يكون حلو بقى ...

عم الشيخ : موقع يكون حلو ازاى؟ عندك جوجل ... اكتب عاوز موقع حلو

قلبظ : متهزرش بقى ... اصلى تعبان ... وعاوز موقع يريحينى

عم الشيخ : يريحك .... يريحك ازاى .... أن شا الله عنك ما ارتحت ... يلا ياض من هنا ... يا سيس يا خسيس .. يا حفيد ابليس

قلبظ : وحياة امك ما هنساهالك يا عم الشيخ

وكان كل شوية قلبظ يضايق عم الشيخ ويقعد يبعت فى حاجات ويعمله دنج ويقرفه فى عيشته

وكان عم الشيخ خلاص فاض بيه الكيل ... بس مش عارف يعمل ايه ووهو قاعد ع النت لاقى بونا دخل

بونا : ازيك يا عم الشيخ عامل ايه

عم الشيخ : ازيك يا بونا عامل ايه .,. واحشنى قوى

بونا : وانت كمان انت عامل ايه

عم الشيخ : انا قرفان شوية ومضايق شويتين

بونا : ليه بس كدا

عم الشيخ : اهو بقى من الدنيا وفى واحد ع النت قارفنى فى عيشتى

بونا : ليه بيعملك ايه

عم الشيخ : عمال بيبعتلى دنج ويبعتلى صور ومواقع مش اللى هى

بونا : ياختى يا شريفة انتى هههههه ... تحب اشتغلهولك

عم الشيخ : بجد ..... ازاى ... يا رب يخليك انا عاوز اعمل فى فصل يطلع من مناخيرة

بونا : طيب تعالى مايك

عم الشيخ : ماشى بس هتعمل ايه

بونا : هقولك ع المايك

وبدأ عم الشيخ وابونا يجهزوا للاشتغالة قلبظ

بونا : يلا قول ل قلبظ دلوقتى عاوز اكلمك مايك وخلينى انا فى كونفرنس

عم الشيخ : مش فاهم

بونا : بس انت هتكلم قلبظ عادى خالص مايك .. وانا هكون ع الكونفرنس ومتشغلش المايك فيه عشان اسمع كل حاجة لحد ما اقولك على التكيست تعمل ايه

عم الشيخ : ماشى

وراح عم الشيخ يجر ناعم مع قلبظ وعمال يهزر معاه

عم الشيخ : قلبظ حبيبى .... قلبوظتى الحلوة انتى فين

قلبظ : عاوز ايه يا زفت

عم الشيخ : زفت ... " فى سره وحياة امك لاوريك " ليه كدا يا قلبوظتى تعالى مايك

قلبظ : وهو انتى مزة عشان اكلمك مايك

ع الشيخ : يا قلبوظتى عاوزك فى موضوع ضرورى

قلبظ : لالالالالا مش بكلم الا بنات ع المايك

عم الشيخ : يلا بقى يا قلبوظتى مترخمش

قلبظ : انت مخك تخين ياض ... بقولك لالالا ... لالالالا يعنى لالالالا

عم الشيخ : .... " فى سره يا بن العجل طيب انا هعمل ايه دلوقتى " ... بقى كدا يا قلبظ

قلبظ : ايوا هو كدا... وابوكدا .... وام كدا.... واخو كدا ....

طبعاً عم الشيخ كان خلاص فاض بيه ومش عارف يعمل ايه

عم الشيخ : الحقنى يا بونا .. الحقنى

بونا : ايه اللى حصل ؟

عم الشيخ : قلبظ مش راضى يجى مايك

بونا : ليه ؟

عم الشيخ : بيقول مش بيكلم الا مزز

بونا : الفلاتى بن الف......

عم الشيخ : العمل ايه يا بونا

Share [عدد المشاهدات] 19 [عاجبانى] [عاجباك؟] [مش عاجبانى!]

متنوعة

اشتغالة النهاردة حكاية .... مسخرة .... وطبعاً يمكن تكون الاشتغالة حقيقة ... وممكن تكون من الهوا ... وممكن تكون فيها حقيقة ... والباقى من الهوا

اللى فى الاشتغالة دى

1- قلبظ

2- بونا

3-عم الشيخ

قلبظ وعم الشيخ صحاب من زمان قوى ... وكان فى المدرسة مع بعض ... ومش كدا وبس دول كانوا فى الدكة لازقيين فى بعض ... بس كان قلبظ .... جبان قوى ... مع انه من الحجم العائلى .... وكان غنى قوى ... بس بيدارى على شمعته.... بس كان عم الشيخ بيحبه قوى وكان شايف ان قلبظ غلبان زى عم الشيخ ... بس للاسف ... كان قلبظ دا سوسة .. ومية من تحت تبن...و دا طبعا من زمان

كان قلبظ يتصل بعم الشيخ فى وقت متاخر ... ويقوله :

قلبظ : ازيك يا عم الشيخ عامل ايه

عم الشيخ : ازيك يا قلبظ عامل ايه ...خير يا قلبظ فى حاجة حصلت ..

قلبظ : لا مفيش حاجة حصلت ... انا بس اتصلت عشان اسمعك الاغنية دى

ويروح قلبظ حاطط الاغنية ع الراديو وطبعا عم الشيخ مش بيكون لوحده دا عشان كان التلفون صحى الناس كلها وطبعا عم الشيخ مش عارف يعمل ايه وفجاة....

قلبظ : عم الشيخ ايه رايك فى الاغنية حلوة صح

عم الشيخ : انت رايق قوى يعنى بتتصل الساعة 3 الفجر عشان تسمعنى اغنية

قلبظ : وفيها ايه يا عم

عم الشيخ : فيها انك صحيت البيت والجيران والمنطقة

قلبظ : قول كدا يا جبان .. انت خايف منهم بقى

" انت يا زفت الطين يا قلبظ .... بتعمل ايه ..؟؟"

عم الشيخ : ايه الصوت دا يا قلبظ جاى منين

قلبظ : تيت تيت تيت تيت ......

عم الشيخ : يا بن الجبانة يا عجل

وطبعا كان قلبظ فى حد قفشة وهو بيكلم فى التلفون... فراح قفل السكة فى وش عم الشيخ

ومرت الايام ... وفجاة قرر قلبظ انه يوصل نت ليه ... ولوحده " بن المفترية " وسرعة كام " 512" " يا بن الغنية " ... بس فالح مع عم الشيخ تتدعى الفقر .

ومرة كان عم الشيخ قاعد ع النت .. ولاقى قلبظ جه ع النت

قلبظ : انت بتعمل ايه يا عم الشيخ

عم الشيخ: يعنى الناس لما تتيجى تكلم حد تقوله هاى ... سلاموا عليكوا .. اى حاجة من الحاجات دى ... مش انت بتعمل ايه ؟ وانت مالك يا عم الفحل

قلبظ : فحل .. لالا انت لسانك طويل وعاوز يتقطع ..

عم الشيخ : دا انت اللى عجل وعاوز يدبح .. ويتقطع ... ونخلى الكلاب تاكل منك

قلبظ : ههههههههههههه الله يسامحك يا عم الشيخ .. بقى كدا

عم الشيخ : مش انت اللى بضايقنى

قلبظ : خلاص يا عم حقك عليا ... بقولك ايه شوفلى موقع يكون حلو بقى ...

عم الشيخ : موقع يكون حلو ازاى؟ عندك جوجل ... اكتب عاوز موقع حلو

قلبظ : متهزرش بقى ... اصلى تعبان ... وعاوز موقع يريحينى

عم الشيخ : يريحك .... يريحك ازاى .... أن شا الله عنك ما ارتحت ... يلا ياض من هنا ... يا سيس يا خسيس .. يا حفيد ابليس

قلبظ : وحياة امك ما هنساهالك يا عم الشيخ

وكان كل شوية قلبظ يضايق عم الشيخ ويقعد يبعت فى حاجات ويعمله دنج ويقرفه فى عيشته

وكان عم الشيخ خلاص فاض بيه الكيل ... بس مش عارف يعمل ايه ووهو قاعد ع النت لاقى بونا دخل

بونا : ازيك يا عم الشيخ عامل ايه

عم الشيخ : ازيك يا بونا عامل ايه .,. واحشنى قوى

بونا : وانت كمان انت عامل ايه

عم الشيخ : انا قرفان شوية ومضايق شويتين

بونا : ليه بس كدا

عم الشيخ : اهو بقى من الدنيا وفى واحد ع النت قارفنى فى عيشتى

بونا : ليه بيعملك ايه

عم الشيخ : عمال بيبعتلى دنج ويبعتلى صور ومواقع مش اللى هى

بونا : ياختى يا شريفة انتى هههههه ... تحب اشتغلهولك

عم الشيخ : بجد ..... ازاى ... يا رب يخليك انا عاوز اعمل فى فصل يطلع من مناخيرة

بونا : طيب تعالى مايك

عم الشيخ : ماشى بس هتعمل ايه

بونا : هقولك ع المايك

وبدأ عم الشيخ وابونا يجهزوا للاشتغالة قلبظ

بونا : يلا قول ل قلبظ دلوقتى عاوز اكلمك مايك وخلينى انا فى كونفرنس

عم الشيخ : مش فاهم

بونا : بس انت هتكلم قلبظ عادى خالص مايك .. وانا هكون ع الكونفرنس ومتشغلش المايك فيه عشان اسمع كل حاجة لحد ما اقولك على التكيست تعمل ايه

عم الشيخ : ماشى

وراح عم الشيخ يجر ناعم مع قلبظ وعمال يهزر معاه

عم الشيخ : قلبظ حبيبى .... قلبوظتى الحلوة انتى فين

قلبظ : عاوز ايه يا زفت

عم الشيخ : زفت ... " فى سره وحياة امك لاوريك " ليه كدا يا قلبوظتى تعالى مايك

قلبظ : وهو انتى مزة عشان اكلمك مايك

ع الشيخ : يا قلبوظتى عاوزك فى موضوع ضرورى

قلبظ : لالالالالا مش بكلم الا بنات ع المايك

عم الشيخ : يلا بقى يا قلبوظتى مترخمش

قلبظ : انت مخك تخين ياض ... بقولك لالالا ... لالالالا يعنى لالالالا

عم الشيخ : .... " فى سره يا بن العجل طيب انا هعمل ايه دلوقتى " ... بقى كدا يا قلبظ

قلبظ : ايوا هو كدا... وابوكدا .... وام كدا.... واخو كدا ....

طبعاً عم الشيخ كان خلاص فاض بيه ومش عارف يعمل ايه

عم الشيخ : الحقنى يا بونا .. الحقنى

بونا : ايه اللى حصل ؟

عم الشيخ : قلبظ مش راضى يجى مايك

بونا : ليه ؟

عم الشيخ : بيقول مش بيكلم الا مزز

بونا : الفلاتى بن الف......

عم الشيخ : العمل ايه يا بونا

قلبظ : يا راجل .... طيب وانت هتعمل ايه ؟
عم الشيخ : انا هعمل ايه !!! انت بتهزر ... مش الراجل دا عايزك انت ... انا مالى انا بالليلة دى .... طلعنا منها يا عم ... انا معملتش حاجة
قلبظ : طيب وانا مالى انا كمان ... هو انا عملت حاجة ..
عم الشيخ : عملت حاجة!!! .... ياعم انا مالى عملت حاجة ولا معملتش ... مش هو اتكلم وقال عاوزك انت
قلبظ : طيب تعال مايك
عم الشيخ : ماشى
وراح عم الشيخ يدور على بونا
عم الشيخ : بونا ... بونا... رد بسرعة يا بونا
بونا : ايه يا اسطى مالك خير؟
عم الشيخ : تعالى فى الكونفرنس بسرعة قلبظ جاى اهو مايك
بونا : ماشى يا ريس
ورد عم الشيخ على قلبظ ع المايك
قلبظ : ايه يا شيخنا .. عامل ايه
عم الشيخ : الحمد لله ... انا كويس انت عامل ايه ؟
قلبظ : هو الواد بتاع الهاكر عاوز ايه بالظبط ...
عم الشيخ : معرفش .. هو قارفنى كل شوية يقولى هدمرلك الجهاز وهنتقم منك ومن قلبظ
قلبظ : هو فاكر نفسه ايه ....طيب وحياة امه ما يقدر يعمل حاجة دا شكله حمار ولا بيفهم حاجة فى اى حاجة
وطبعا كان بونا سامع وراح طلع واتكلم
زعيم الهاكر : انا حمار يا بن الحمار.... وحياة امك يا سربوت ما بخليك تقعد ع النت
قلبظ : الحق يا عم الشيخ دا جه اهو
عم الشيخ : يا زعيم ابوس ايديك يا باشا ... انا مليش دعوة بالليلة دى... انت لو فى مشاكل بينك وبين قلبظ انا مليش دعوة بيها ..
قلبظ : بقى كدا يا عم الشيخ تتخلى عنى فى عز محنتى
عم الشيخ : اتخلى عنك ايه ... ما انا معاك اهو ... بس انت متمشيش وتسيبه ليا وتقولى بتخلى عنك فى عز محنتك
زعيم الهاكر : انا اريد الانتقام من قلبظ فقط ...
قلبظ : من انا بس ليه ؟؟ هو انا عملت ايه
زعيم الهاكر : لانك سبيت بلدنا ونساءنا . ونحن لا نرضى بذلك ... وبما انك مو محترم ... راح بنخليك محترم غصب عنك
قلبظ: انا محترم غصب عنك .. وعن بلدك كمان ... و...
زعيم الهاكر : " وكان بيتكلم بنبرة صوت حادة بقى" انت ما تقدر تكون شىء غصب عنى ... وانا اقدر اجيبك من بيتكوا راكع على رجليك ... انت ما تعرف مين هو زعيم الهاكر ... تقدر تبحث عن جوجل وتكتب زعيم الهاكر وتشوف مين انا
قلبظ : وانت ما تعرفش مين قلبظ... اكتب قلبظ فى جوجل ... وشوف قلبظ هيبقى عامل ازااى
زعيم الهاكر : والله انك سربوت ... ولازم اخليك تندم على هالكلام ...
عم الشيخ : اهدا يا قلبظ ... اهدا يا زعيم .... دلوقتى طيب يا زعيم بالراحة بس هو غلط فيكوا ازاى؟؟
قلبظ : ايوا انا غلطت فيكوا ازاى بقى؟
زعيم الهاكر : سب اهلينا وارضنا وعرضنا
عم الشيخ : ايوا فاهمين ... انت ايش عرفك بقى ان هو
قلبظ : ايوا بس مش يمكن مش انا ... وابقى مظلوم
طبعا بونا او زعيم الهاكر فضل يقوله انه جاب قلبظ بـ الاى بى بتاعه ... ومش هسيبه الا لما ياخد حقه ...
قلبظ : طيب حقك عليا انا غلطان .... انا كلب ومش هعمل كدا تانى
زعيم الهاكر : الاسف ما بيكفى اخى ما بيكفى
وراح بونا او زعيم الهاكر قايل لعم الشيخ انه يقوله قدام قلبظ انه عاوز يتعلم الهاكر وعم الشيخ راح عامل كدا
عم الشيخ : بقولك ايه يا زعيم ... انا كنت عاوز اتعلم الهاكر وهبقى مطيع معاكوا ومتعاون
زعيم الهاكر : تتعلم ... مين بيعلمك انت يا سربوت يا فاشل انت
قلبظ : ممكن يا زعيم الهاكر اضيف ايميلك عندى
زعيم الهاكر : لازم استرد حق الوطن .. وحق النساء .. وحقى انا
قلبظ : هعمل ليك اللى انت عاوزه انا هبقى تحت امرك
راح زعيم الهاكر " بونا" واخد ايميل قلبظ وكلمه وقاله
زعيم الهاكر: خسئت يالورع
قلبظ : انا !!!
زعيم الهاكر: راح ادعسك على خشمك
قلبظ : دا كنت عاوز ابقى معاكوا
زعيم الهاكر: تبقى معنا كيف هذا ؟
قلبظ: يعنى ابقى بتاع هاكر وكدا
زعيم الهاكر : انت ايش بتعمل ؟
قلبظ : انا محامى معايا ليسانس حقوق
زعيم الهاكر : احنا نحتاج لمحامى للمنظمة كى يخرج اعضائنا الهاكر من السجون
قلبظ: بس انا مش بفهم فى قوانين الهاكر
زعيم الهاكر: وكيف بتكون محامى؟
قلبظ : طب علمنى؟
زعيم الهاكر : يعنى اذا قصدك احد فى قضية هاكر ما تعرف تخرجه منها ؟
قلبظ : لا معرفش
زعيم الهاكر : انت بدك تتعلم الهاكر والدعس على خشوم الناس
قلبظ : ايوا عاوز اكون معاكوا
زعيم الهاكر : طيب ايش بتسمى نفسك ؟
قلبظ : يعنى ايه اسمى نفسك ؟
زعيم الهاكر : يعنى شو بيكون اسمك الهاكرى ؟
قلبظ :المحامى .. اسمى المحامى
زعيم الهاكر : انت تمزح خوى
قلبظ :لا
زعيم الهاكر : نريد اسم مرعب
قلبظ : المجرم السيكوباتى ايه رايك فى دا ؟
زعيم الهاكر : خسئت ما بنريد مرضى نفسيين يعنى انت سيكوباتى الحين وغدا تخترقنا نحن
قلبظ : لا طبعا مقدرش اعمل كدا
زعيم الهاكر : اختار اسم الحين
قلبظ : مش لاقى اسم
زعيم الهاكر : هذه اول صفة تنقصك ... انك غير متوحش ورعديد
قلبظ : ايه رايك فى ريتشارد قلب الاسد
زعيم الهاكر : ريتشارد قلبظ الاسد بتريد تكون تبع الحملة الصليبة ... احنا راح نسميك ابو الهول
قلبظ : الله يسامحك
زعيم الهاكر : ما تزعل .. راح نسميك الكلب المسعور ايش رايك ؟
قلبظ : بقى
Share [عدد المشاهدات] 19 [عاجبانى] [عاجباك؟] [مش عاجبانى!]
متنوعة
قلبظ : يا راجل .... طيب وانت هتعمل ايه ؟
عم الشيخ : انا هعمل ايه !!! انت بتهزر ... مش الراجل دا عايزك انت ... انا مالى انا بالليلة دى .... طلعنا منها يا عم ... انا معملتش حاجة
قلبظ : طيب وانا مالى انا كمان ... هو انا عملت حاجة ..
عم الشيخ : عملت حاجة!!! .... ياعم انا مالى عملت حاجة ولا معملتش ... مش هو اتكلم وقال عاوزك انت
قلبظ : طيب تعال مايك
عم الشيخ : ماشى
وراح عم الشيخ يدور على بونا
عم الشيخ : بونا ... بونا... رد بسرعة يا بونا
بونا : ايه يا اسطى مالك خير؟
عم الشيخ : تعالى فى الكونفرنس بسرعة قلبظ جاى اهو مايك
بونا : ماشى يا ريس
ورد عم الشيخ على قلبظ ع المايك
قلبظ : ايه يا شيخنا .. عامل ايه
عم الشيخ : الحمد لله ... انا كويس انت عامل ايه ؟
قلبظ : هو الواد بتاع الهاكر عاوز ايه بالظبط ...
عم الشيخ : معرفش .. هو قارفنى كل شوية يقولى هدمرلك الجهاز وهنتقم منك ومن قلبظ
قلبظ : هو فاكر نفسه ايه ....طيب وحياة امه ما يقدر يعمل حاجة دا شكله حمار ولا بيفهم حاجة فى اى حاجة
وطبعا كان بونا سامع وراح طلع واتكلم
زعيم الهاكر : انا حمار يا بن الحمار.... وحياة امك يا سربوت ما بخليك تقعد ع النت
قلبظ : الحق يا عم الشيخ دا جه اهو
عم الشيخ : يا زعيم ابوس ايديك يا باشا ... انا مليش دعوة بالليلة دى... انت لو فى مشاكل بينك وبين قلبظ انا مليش دعوة بيها ..
قلبظ : بقى كدا يا عم الشيخ تتخلى عنى فى عز محنتى
عم الشيخ : اتخلى عنك ايه ... ما انا معاك اهو ... بس انت متمشيش وتسيبه ليا وتقولى بتخلى عنك فى عز محنتك
زعيم الهاكر : انا اريد الانتقام من قلبظ فقط ...
قلبظ : من انا بس ليه ؟؟ هو انا عملت ايه
زعيم الهاكر : لانك سبيت بلدنا ونساءنا . ونحن لا نرضى بذلك ... وبما انك مو محترم ... راح بنخليك محترم غصب عنك
قلبظ: انا محترم غصب عنك .. وعن بلدك كمان ... و...
زعيم الهاكر : " وكان بيتكلم بنبرة صوت حادة بقى" انت ما تقدر تكون شىء غصب عنى ... وانا اقدر اجيبك من بيتكوا راكع على رجليك ... انت ما تعرف مين هو زعيم الهاكر ... تقدر تبحث عن جوجل وتكتب زعيم الهاكر وتشوف مين انا
قلبظ : وانت ما تعرفش مين قلبظ... اكتب قلبظ فى جوجل ... وشوف قلبظ هيبقى عامل ازااى
زعيم الهاكر : والله انك سربوت ... ولازم اخليك تندم على هالكلام ...
عم الشيخ : اهدا يا قلبظ ... اهدا يا زعيم .... دلوقتى طيب يا زعيم بالراحة بس هو غلط فيكوا ازاى؟؟
قلبظ : ايوا انا غلطت فيكوا ازاى بقى؟
زعيم الهاكر : سب اهلينا وارضنا وعرضنا
عم الشيخ : ايوا فاهمين ... انت ايش عرفك بقى ان هو
قلبظ : ايوا بس مش يمكن مش انا ... وابقى مظلوم
طبعا بونا او زعيم الهاكر فضل يقوله انه جاب قلبظ بـ الاى بى بتاعه ... ومش هسيبه الا لما ياخد حقه ...
قلبظ : طيب حقك عليا انا غلطان .... انا كلب ومش هعمل كدا تانى
زعيم الهاكر : الاسف ما بيكفى اخى ما بيكفى
وراح بونا او زعيم الهاكر قايل لعم الشيخ انه يقوله قدام قلبظ انه عاوز يتعلم الهاكر وعم الشيخ راح عامل كدا
عم الشيخ : بقولك ايه يا زعيم ... انا كنت عاوز اتعلم الهاكر وهبقى مطيع معاكوا ومتعاون
زعيم الهاكر : تتعلم ... مين بيعلمك انت يا سربوت يا فاشل انت
قلبظ : ممكن يا زعيم الهاكر اضيف ايميلك عندى
زعيم الهاكر : لازم استرد حق الوطن .. وحق النساء .. وحقى انا
قلبظ : هعمل ليك اللى انت عاوزه انا هبقى تحت امرك
راح زعيم الهاكر " بونا" واخد ايميل قلبظ وكلمه وقاله
زعيم الهاكر: خسئت يالورع
قلبظ : انا !!!
زعيم الهاكر: راح ادعسك على خشمك
قلبظ : دا كنت عاوز ابقى معاكوا
زعيم الهاكر: تبقى معنا كيف هذا ؟
قلبظ: يعنى ابقى بتاع هاكر وكدا
زعيم الهاكر : انت ايش بتعمل ؟
قلبظ : انا محامى معايا ليسانس حقوق
زعيم الهاكر : احنا نحتاج لمحامى للمنظمة كى يخرج اعضائنا الهاكر من السجون
قلبظ: بس انا مش بفهم فى قوانين الهاكر
زعيم الهاكر: وكيف بتكون محامى؟
قلبظ : طب علمنى؟
زعيم الهاكر : يعنى اذا قصدك احد فى قضية هاكر ما تعرف تخرجه منها ؟
قلبظ : لا معرفش
زعيم الهاكر : انت بدك تتعلم الهاكر والدعس على خشوم الناس
قلبظ : ايوا عاوز اكون معاكوا
زعيم الهاكر : طيب ايش بتسمى نفسك ؟
قلبظ : يعنى ايه اسمى نفسك ؟
زعيم الهاكر : يعنى شو بيكون اسمك الهاكرى ؟
قلبظ :المحامى .. اسمى المحامى
زعيم الهاكر : انت تمزح خوى
قلبظ :لا
زعيم الهاكر : نريد اسم مرعب
قلبظ : المجرم السيكوباتى ايه رايك فى دا ؟
زعيم الهاكر : خسئت ما بنريد مرضى نفسيين يعنى انت سيكوباتى الحين وغدا تخترقنا نحن
قلبظ : لا طبعا مقدرش اعمل كدا
زعيم الهاكر : اختار اسم الحين
قلبظ : مش لاقى اسم
زعيم الهاكر : هذه اول صفة تنقصك ... انك غير متوحش ورعديد
قلبظ : ايه رايك فى ريتشارد قلب الاسد
زعيم الهاكر : ريتشارد قلبظ الاسد بتريد تكون تبع الحملة الصليبة ... احنا راح نسميك ابو الهول
قلبظ : الله يسامحك
زعيم الهاكر : ما تزعل .. راح نسميك الكلب المسعور ايش رايك ؟

قلبظ : بقى
...................استنوا الباقى...........