يا بت غششينى

كرهت الدراسة و قولت احب...

لقيت نفسي عايش بجرح القلب..

نسيت الدنيا و جبت قرطاس لب..

و اييييييييييه!!

...لو كنت معاكي في اللجنة يا بت غششيني..

لو هسقط مرة تانية عمرك ما هتلاقيني..

غير بلب واقف ببيعه طول سنيني..

وانتي تعدي جنبي كأنك ولا تعرفيني..

و لما تعوزي لب عارفك مش هتجيني..

و تعدّي بالقطاس قدامي و تغظيني..

و لا هتجربي قرطاسي مع ان نوعه صيني..

و هيبقى ورقه أصلي مش بايظ صدقيني..

و اللب ابيض وسوري طازة جربيني..

لو كان ملكيش في اللب كفاية تشجعيني..

بس الله يباركلك حاولي تنفعيني..

أنا بكره أكون نفسي و يبقى موبايلي حديث..

كلامي بجد حقيقي و مش كلام تهييس..

كلمتي دايما سيف لأني مش شاب سيس..

لما أروح للوالد و أجيبلك شبكة في كيس..

أكيد هيطير من الفرحه عشان انا جيتله عريس..

و هيبقى يا عيني فاكر شهر عسلك في باريس..

مع ان يا بت آخرك أسبوع في غيط في أبيس..

و اجيبلك طرحه بايظه معموله بأرخص دبابيس..

على فكرة انا مش فقير أخوكي نشلني في اتوبيس..

خلصت حكايتي يا عالم و دلوقتي بقول خلاويص..

و لو كنت معاكي ف اللجنة يا بت غششيني..

لو هسقط السنة دي عمرك ما هتلاقيني..