 |
اتوبيس وشباك وعليه حكايات
حكايات تسيب جوه الزمن علامات
مليان هموم مليان حاجات بالكوم
فى واحد عاش وفى واحد مات
فى ناس بتتلاقى سلمهم جوع
وناس نشف ريقها خراب فى دموع
كراسى مقلوبه وايه الموضوع
بعدنا ولا السكينه سرقانا
فى ناس من الشباك تمد الايد
الحقنا ده الاتوبيس واخدنا بعيد
والدمع فى عينهم نيران بتقيد
طابور وصخره وعباره غرقانه
اتوبيس وشايل جوه منه هموم
من فينا من هم الحياه معصوم
الطفل خارج وسط ده مصدوم
والشاب من همه بيبقه عجوز
 |
دنيا بقت اسيا على الغلبان
يدق الببان يفتح يلاقى ببان
واقف ونفسه لو يلاقى مكان
كل الكراسى والكنب محجوز
فى ناس بتحلم حلم مش بطال
تموت تموت لكن تموت ابطال
ضحو بحايتهم علشان تعيش اطفال
وناس بتقتل كل حلم يعيش
مبقاش فى دم بيجرى جوه عروق
ولا حد علشان حد بقه محروق
حتى اللى يتمنى يقوم ويسوق
قدامه ميت حاجز مبيعديش
...........
صفحة جمييييييييييييييييلة
ردحذف