مش قادر احب تانى

كلنا بندور علي الحب

كلنا بندعبس وسط الناس وكاننا كنا نملكه وتاه مننا

فيه مننا اللي بيعيش حياته كلها يدور عليه وللاسف

في الآخر مبيلاقيهوش !!!!!!

وكل واحد مننا بيدور عليه في مكان مختلف 

للاسف برض بيبقا فاكر انه لازم يلاقيه في المكان ده 

وفكره انه مش موجود في اي مكان غيره

وفيه مننا اللي حاطط رجل علي رجل ومستنيه يجيله لغاية عنده

وفيه اللي من كتر ما تعب وهو بيدور عليه سلم انه مش موجود

وكل واحد مننا حاطط تخيل للحب مقياس معيار بيقيس عليه هو وبيدور

فيه اللي اعتبر الحب هو اللي للحبيبة والحبيب 

وفيه اللي اعتبر الحب هو للاهل والناس والقرايب

وفيه اللي اعتبر الحب الحقيقي هو اللي لدينه سواء كان الهه او رسوله 

او حتي مجرد مثل اعلي

وفيه اللي شطحت منه الفكرة وحب الحب ذاته 

من غير ما يسأل نفسه انا بحب مين ولا ليه !! 

فيه كمان مننا اللي شوه معني الحب
وفيه اللي غالي فيه واداله اكتر من حقه
 
واكتر مشاكلنا لو فكرنا فيها شوية هي بسبب الحب
مننا اللي بيحب غيره وغيره مش عارف ولا قادر يحبه
ومننا اللي بيدور علي حد يحبه ومش لاقي
ومننا اللي مش لاقي الحب حواليه برغم انه نفسه يقدمه لغيره
ومننا اللي ملقاش حد يستاهل الحب الا نفسه
ومننا اللي مش لاقي حد يتحب خالص ولا يستاهل ولا حتي نفسه
ومننا اللي من كتر حبه لشئ معين اعتبر ان بقية الاشياء لازم تتكره علشانها
واتحولت مشكلته ازاي احب الحاجتين
من غير ما الغي حبي الاولاني ولا الغي حبي التاني
علشان في كل الحالات ابقا اسمي بحب
ومننا اللي مبيحبش حد بيحبه
ومننا الللي بيحب حد بس للاسف
مش قادر يقوله انه بيحبه
ومننا اللي مبيعرفش يحب من الاساس
ومننا اللي فاكر نفسه بيحب وهو في الحقيقة بيكره
ومننا ومننا ومننا ومتعدش
كل مشاكلنا اتجمعت في حرفين حب !!!!
وكل مشاكلنا سببها نفس الحرفين حب !!

فيه ناس تانية اعتبرت الحب اعمي وانه مبيشوفش ؟؟
وفيه اللي بيشوف في محبوبه او محبوبته اللي غيره مش قادر يشوفه فيه
وشايف غيره اللي اعمي ؟؟؟
وفيه اللي بيحب محبوبه بس تسأله يقولك معرفش انا بحبه ليه ؟؟؟
وفيه اللي مش عارف هو انا بحبه ولا ده مجرد اي شخص في حياتي ؟؟؟
وفيه اللي فاكرها تركيبة كيميا واحتمالات حدوثها واحد في المليون
وفيه اللي مش عارف فيسكت ويستني يحس بيه علشان يعرفه

وفيه وفيه وفيه ومتعدش
متشغلش بالك
يا عم  كبر