ليه ؟؟

ليه ...؟؟

ليه كل حاجه حلوه عمرها قصير وليه مفيش احلام بتتحقق

سؤالين كلنا يمكن جه علينا وقت وفكرنا فيهم بس برضه يمكن كلنا ملقنالهمش اجابه

ليه لما الواحد لما بيفرح بحاجه ويحس انه قرب شويه وانها هانت وانه عمل اول خطوه
يلاقي نفسه رجع ميت خطوه لورا
ليه الواحد دايما بيحس انه مخنوق وان عمره ضاع مع انه لسه صغير وقدامه كتير
ليه لما بيكون تعبان بيبقي لوحده بيبص حواليه مبيلقيش حد ولو لقي حد بيلاقيه فرحان بتعبه

ليه ...؟؟
ليه الواحد لازم يضحي باحلي حاجه شفتها عينيه وتروح من ايده غصب عنه

 لا ومش بس بيسيبها ده بيكسرها وبرده غصب عنه يعني حتي مبيسبلهاش ذكري حلوه تفكره انه كان بيحبها

ليه الواحد بيحبس دموعه مع انه لو عيط او لو نزل دمعه واحده هيستريح

 يمكن عشان مفيش حد بيعيط في حضنه ولا يمكن عشان مفيش حد بيمسحله الدمعه دي

 ولا يمكن عشان في حد هيفرح بالدمعه دي

ليه ...؟؟
ليه في ناس بتاخدنا من ايدينا للفرحه واول ما يلاقونا هنفرح يستكتروها علينا ويرجعونا مكان ما كنا

 طب هيستفيدو ايه لما يورونا الفرحه من بعيد ما احنا كونا مرتاحين واحنا في حالنا
ليه دايما لما بننجرح الجرح بيكون كبير قوي ليه بيكسرنا من جوه

ليه بيسيب علامه وليه العلامات كترت قوووي
وليه في عز ما احنا مجروحين بنسامح بسرعه

 مع اننا عارفين ان اللي يسامح بسرعه ينجرح تاني بسرعه
ليه الواحد بيعيش اغلب حياته بعيد عن الناس اللي بيحبهم

عارفين ليه ؟؟

عشان كده هيفضل يحبهم ويحبوه عشان لو قرب منهم ممكن يكرهوه

 لانهم بيحبوه عشان هوه بعيد ، بيحبو بعده مش بيحبوه هو

ليه ...؟؟
ليه معدش في حب بجد ليه الحب بقي كلام ممكن يتنسي

 ليه بقي صوره ممكن تتقطع  ليه الحب مش بيعيش زي الجرح مبيعيش

 ليه مبيسبش علامه زي الجرح مابيسيب علامه

ليه بقي عامل زي السيجاره بتأذي اللي بيشربها واللي قاعد معاه

 هو برضه بيأذي اللي بيحب واللي بيتحب

ليه ...؟؟

ليه الواحد لما بيبص في المرايا بيشوف صوره ابيض واسود لواحد تاني

 واحد ميعرفوش واحد مكسور بيشوف صوره بيحاول يهرب منها
ليه بقينا عايشين في سجن ، عايشين في زنزانه والزنزانه دي كل يوم بضيق

 شايفين من ورا الحديد بتاعها حاجات حلوه بس مش قدرين نمسكها بادينا

ليه  ؟؟؟؟؟؟؟؟

علي فكره انا مش مكتئب

مش قوي يعنى

 بس برضه بفكر بصوت عالي بشوف مواقف عدت علي الواحد وهو مبيقدرش يعمل حاجه

بيقعد يتفرج عليها مبيبقاش عارف ده حلم ولا كابوس

هي الحاجه الوحيده اللي اكيده ان مفيش احلام في الدنيا دى

مش عارف احلم لانى فعلا بحلم

خواطيش

هجرت البعض رغما عني

لأني رأيت قلوبهم تهوا فراقي

نعم اشتاق لهم 

لكنى وضعت كرامتي فوق اشتياقي

وارغب وصلهم دوما

لكن طريق الذل لا تمشيه ساقي

إن مقدرتش تضحك

 .

  

إن مقدرتش تضحك ... متدمعش ولا تبكيش

 
وان مفضلش معاك غير قلبك ... اوعى تخاف مش هتموت   

 

هتعيش

وان سألوك الناس عن ضي جوه عيونك مبيلمعشي ...متخبيش

 
قلهم العيب مش فيا ... ده العيب في الضي

وانا مش عاشق ضلمة ... ولا زعلت الضي

 
مسير الضي لوحده هيلمع ... ومسير الضحك لوحده ...

 

هيطلع مابيجرحش ..

 

و لا يأذيش

 

أشعر بالسعادة عندما.....

الواحد مننا ساعات بيحس بخنقه وضيقه .... احيانا ممكن تلاقى حد واقف جنبك واحيانا لا

ولما بحس بكده بحاول اخرج نفسى من الموود ده بسرعه

يعنى من الاخر بحاول افتكر الحاجات اللى ممكن تخلينى مبسوط

زى :

أحس ان في ناس بيحبوني لله فـِ لله

حد من صحابي القدام يكلمني ويسأل عنيّ

لما باتمشى ع الكورنيش فى اسكندريه بالليل ..  في الشتا

لما اطفي النور وأولع سيجارة واسمع فيروز

لما احاول افرح حد قدامى واكون سبب ف ابتسامته

واني قدرت اضحك حد كان متضايق واطلعه من المود

 لما الاقي واحد بيثق فيا ويقوللي انه عايز يقوللي سر

لما اقعد مع صحابي ونفتكر الذكريات القديمه ونضحك عليها

   لما تيجي في بالي فكرة اني هاوصل للي عايز اوصله  

    وهاثبت للي بيراهنوا على فشلي انهم أفشل ناس في الحياة

 واني لو ماوصلتش للي انا عايزه .. يبقى هاموت وانا باحاول

واخر حاجه:

                    لما الاقي عشرطاشر حاجه بتسعدنا بجد .. 
                        واحنا مش واخدين بالنا

( السعادة احساس )

ياليل !!

.

 

ياليل.. خدنى وياك

أتوه عن الحياه..و أطير بين النجوم

وأتنهد على السحاب

و أرسم بأيدى على القمر...

 دنيا تانية

ليها الف سكة للحياه..

ياليل خدنى وياك

السعادة

السعــــــــــــــــــــاده


السعـــــاده ... ليها ناس وناس
طول حياتنا واحنا منها محروميــــــــــــــــــــــن
السعـــــاده ... ليها ناس وناس
انت ناسى ليه ياقلبى احنا مين...مين..ميـــــــن
احنا اتخلق الحزن عشانــــــــا ... احنا اتولد الجرح عشانا
كله زرع فى طريقنا الشوك ... كله ظلمنا وباعنا وخانا
احنا نحب بكل ضميرنــــا ... نعشق نوفى نحس بغيرنـــا
واما بنبئى فى وسط النار ... كله فى لحظه بينكر خيرنا
ايام بتمر ... وطعم المر
ولا بيدوب
جربت الصبر ... شربت الصبر
بئيت ايوب
الدنيا ياقلبى خلاص حرمتنا من الأفراح ... سكتنا الم ضحكتنا دموع غنوتنا جراح
اغراب عن ناسنا واهالينا ... ولا شاطئ ولا مرسى ومينا ... ولا الأيام هتنسينا
احنا ميــــــــــــن
احنا اتخلق الحزن عشانــــــــا ... احنا اتولد الجرح عشانا
كله زرع فى طريقنا الشوك ... كله ظلمنا وباعنا وخانا
احنا نحب بكل ضميرنـــا ... نعشق نوفى نحس بغيرنــا
واما بنبئى فى وسط النار ... كله فى لحظه بينكر خيرنا
ليه الأخلاص ... فى الدنيا خلاص
مبئاش موجود
ليه اغلى الناس ... واعز الناس
خانوا الوعود
حبيت وهويت ووفيت واديت من عمرى كتير ... كان قلبى جبل كان جرحى قوى كان حمل كبير
ويا الأيام جينا وروحنا ... ملناش اصحاب الا جروحنا ... عماله تغير ملامحنا
الـــــــــــــــسنيــــــــــــــــــــــن
احنا اتخلق الحزن عشانــــــــا ... احنا اتولد الجرح عشانا
كله زرع فى طريقنا الشوك ... كله ظلمنا وباعنا وخانا
احنا نحب بكل ضميرنـــا ... نعشق نوفى نحس بغيرنـــا
واما بنبئى فى وسط النار ... كله فى لحظه بينكر خيرنا
راحوا فين ايامنا ... وفين احلامنا
وفين يا زمان
فين طيبة القلب ... وفين الحب
ليه كله هان
انا ابويا واخويا وولدى وبلدى كان الموال ... غنيت للعاشق والمجروح وخلى البال
غنيت للدمعه وللفرحه ... والدنيا الغداره الجارحه ... لما انا احزانى بئت طارحه
غنالى ميـــــــــــــن ... غنالى مين

كنت فاكر

.

 .

كل ما بتكبر كل ما الدايره بتضيق

 
الكلمه دى اتقالتلى من ابويا الله يرحمه

وانا صغير 

وكنت رافض جدا انى افهمها او اقتنع بيها

 
وكنت شايف ان كل ما الواحد بيكبر

كل ما دايرته بتوسع

بس لقيت ان فعلا ده صح

على بالك

على بالك

على بالك انا ولا بيحلالك خلاص بعدى
وقادرة تعيشى من بعدى وسبتينى
وفاكرة ولانسيانى بعانى وقلبى بيعانى
ومش عايز اقولك غير وحشتينى

وعياشه ازاى دا انا فى بعدك بشوف الويل عايشه ازاى
فى مين بتفكرى باليل عايشه ازاى
وانا ايامى مش بتفوت فى بعدك كل لحظه بموت

بعيد عنك ومش قادر ولو ناسيه انا فاكروبتمنا فى يوم قلبك يناديلى
بعيد عنك وبتألم صحيح البعد بيعلم ونفسى انا وانتى نتكلم وتحكيلى

وعياشه ازاى دا انا فى بعدك بشوف الويل عايشه ازاى
فى مين بتفكرى باليل عايشه ازاى
وانا ايامى مش بتفوت فى بعدك كل لحظه بموت